Sereńko 90:12 - সান্তালী বাইবেল

¹² Enḍekhan bujhạu ocoleme, aleakʼ bahaokʼ din do thoṛa getalea mente, jemon aleakʼ ontor do akelte perejokʼtale.

Sereńko 90:12 Referans Kwoze

Sereńko 39:4

E Probhu Isor ińakʼ sesokʼ do tis cabakʼa? Iń do ar tinạkʼ din jiwetʼ iń tahena; ar ińakʼ jion do tinạkʼ din lạgitʼ kana ona baṛe bujhạu ocoyińme.

Johan 9:4

Okoeye kol akadiń, uniyakʼ do siń tahenrege kạmi hoyokʼ tabona. Ńindạ daraekana unre okoe hõ bako kạmi daṛeakʼa.

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Kạhtukko 4:7

Ạkilge asolakʼ do ạkil hatao joṅme; ar amakʼ menakʼakʼkote buj kiriń joṅme.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Kạhtukko 23:12

Am do cecetʼakʼ secʼ mone lagaome, ar ạkil reakʼ katha luturakʼme.

Kạhtukko 22:17

Ạkilankoakʼ kathare lutur oḍaotam, ar okaṭakʼko menetʼ ona ańjomme; ar iń okaṭakʼ sikhnạtiń emamkan ona moneyakʼme.

Kạhtukko 16:16

Sona khon ạkil hameṭ joṅ do bhagea! Ar rupạ khon buj bachao joṅ hõ bhagea!

Kạhtukko 4:5

Ạkil hameṭ joṅme, ar bud hataome; ar ińakʼ katha do alomgem hiṛińa, ona khon alom ocogokʼa.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Kạhtukko 23:23

Sạriyakʼ kirińme ar ona do alom ạkhrińa; Hẽ, ạkil, sikhạuna ar buj baṛe kiriń joṅme.

Sereńko 39:5

Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Sosolhayic̕ 7:2

Bhoj oṛakʼte calakʼ khon homor oṛakʼte calakʼge bogea, ente sanam manwage mitʼ din gujukʼ hoyokʼtakoa; ar jiwetʼko do onako moneyakʼma.