Sereńko 9:5 - সান্তালী বাইবেল

⁵ Am do eṭakʼ jạtrenkom dhomkaoetʼkoa ar bedhoromko dom nosṭoyetʼkoa; onkoakʼ ńutum do jaejug hạbicʼem mohor meṭao akatʼtakoa.

Sereńko 9:5 Referans Kwoze

Kạhtukko 10:7

Dhorom hoṛko reakʼ disạ do bhore ạguiya, menkhan bedhoromkoakʼ ńutum do sea giḍikʼa.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Dosar Biboron 9:14

Ar alom tạkicʼ daramińạ; onko doń marao utạrkoa ar dhạrti khon onkoakʼ ńutumiń meṭao utạrtakoa. Ar ona tayom do am hotete arhõ daṛean ar maraṅ mitʼṭen jạtrenkoń sirjạukoa.’

Kạhtukko 13:9

Isor botoraekoakʼ marsal do ḍig ḍig jolokʼa, menkhan bedhoromkoakʼ diuhe do ĩṛĩjokʼtakoa.

Sereńko 149:7

jemon onko do jạtrenko cetanreko hala ruạṛ daṛeakʼ ar onko hoṛko sạjại daṛeako,

Sereńko 79:10

Eṭakʼ jạtrenko do cedakʼko mena, “Okateye calaoena onkoren Isor do?” Onko do ale samaṅrege baḍae ocokom, amren golamkoakʼ mãyãm reakʼ dom hala ruạṛgea mente.

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

Sereńko 5:6

Ar okoe eṛeakʼ kathako roṛ onko dom marao giḍikoa. Okoere khũn ar eṛe reakʼ monsubạ menakʼ Probhu Isor do onkoe hirkhạwako kana.

Sereńko 2:1

Cedakʼ sanam jạtren hoṛ doko gulmaleda? Hoṛko do ạuṛiyakʼ cedakʼko soṛojontro kana?

1 Samuel 31:4

Unre Sạul do acʼren khanḍa bhanḍa asenicʼ hoṛe metadea, “Amakʼ tarwaṛe oḍokkate ińakʼ hoṛmo sobokʼ tabme. Ar baṅkhan onko bin khatna hoṛko hecʼkateko bemanotińạ.” Menkhan uniren khanḍa bhanḍa asenicʼ hoṛ do bae rebenlena, ente uni do ạḍitetʼ botor caṛhao akawade tahẽkana. Unre Sạul do acʼakʼ tarwaṛe cetanreye bhindạṛena.

1 Samuel 25:32

Dạud do unre Abigaele metadea, “Israelren Probhu Isorakʼge sarhao baṛe hoyokʼtaema, ente uni do teheń iń sãote ńapamokʼ lạgitʼe kolakatʼmea.

1 Samuel 25:39

Nabalakʼ gujukʼ reakʼ khobore ańjomketʼ khan Dạud doe menkeda, “Probhu Isorakʼge sarhao hoyokʼtae ma. Uni do Nabal upạrteye teṅgoyena, ente Nabal do ińe opoman akadińạ. Uni do behokakʼ khone rukhiyạ akadińạ, ar Nabalakʼ behokakʼ do Nabal cetanregeye paṛao ocoakada.” Tayomte Dạud do Abigael baplaye lạgitʼ uni ṭhen raebarkoe kolketʼkoa.

Sereńko 7:12

Bạṛicʼ hoṛko bako ạcur ruạṛlen khan uni do acʼakʼ tarwaṛeye lasertaea ar acʼakʼ akʼe gakʼ tearkakʼa.

Jirimiạ 49:38

Iń do Elamre siṅghạsoniń bạisạua ar uniren raj ar kạmiyạko hõń maraokoa,

Rak̕joṅ 3:58

E Probhu Isor, am do iń secʼem hoyakana, ar ińakʼ jiwim chaḍaoketʼtińạ