Sereńko 9:2 - সান্তালী বাইবেল

² Iń do amrege hulạs ariń rạskạkʼa. E maraṅ Isor, amakʼ ńutumteń õṛhẽ sereńa.

Sereńko 9:2 Referans Kwoze

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Sereńko 5:11

Menkhan okoe amreko hirlạjoṅkan onko doko rạskạkʼma, onko do rạskạte jaejugko sereń joṅma; am do onkoge baṛe rukhiyạkom, jemon okoe amko dulạṛetʼme onko do am iạteko hulạs daṛeakʼ.

Sereńko 7:17

Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.

Sereńko 97:9

E Probhu Isor, am do goṭa dhạrtiren maraṅ Isor kanam; sanam debotako cetanre am do menama.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Sereńko 97:12

E Isor sewawae kan hoṛko, Probhuge aperen rạskạwạnicʼe hoyokʼma. Ape ge uniyakʼ sonottetʼ sarhaotaepe.

Sereńko 92:1

E Probhu, maraṅ Isor, gel taranakʼ banamte, binạ banam ar peṛesaṅ banamte am sarhaome reakʼ, amakʼ sarhao sereńam reakʼ, ar setakʼre amakʼ asambheṛ dulạṛ reakʼ katha ar ńindạ jokhecʼ amakʼ pạtiạr reakʼ katha lại jạhir do samani rạskạ reakʼ kana!

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Sereńko 92:4

E Probhu Isor, amakʼ kạmi do ińe rạskạ ocoyediń kana; ar amakʼ sanam kạmiko iạte iń do rạskạteń sarhao sereńama.

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Sereńko 27:6

Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.

Sereńko 26:7

jemon ãṭ aṛaṅteń sarhao sereń daṛeam, ar amakʼ sanam hahaṛa kạmi reakʼ kathań roṛ daṛeakʼ.

Sereńko 86:12

E Probhu, ińren Isor, ińakʼ goṭa ontorte amiń sarhaomea; ar jaejugiń õṛhẽ sereńama.

Sereńko 96:3

Eṭakʼ jạtrenko ṭhen uniyakʼ ṭhonok lạipe; ar sanam hoṛko talare uniyakʼ sanam hahaṛa kạmiko reakʼ katha porcarpe.

Sereńko 138:1

E Probhu Isor, ińakʼ goṭa ontorte iń do amiń sarhaomea; ar debotako samaṅre hõ amiń oṛhẽ sereńama.