Sereńko 9:19 - সান্তালী বাইবেল

¹⁹ E Probhu Isor, de teṅgonme manwa do am cetanre alom jitạu ocokoa; am samaṅrege eṭakʼ jạtrenkoakʼ bicạr do hoyokʼma.

Sereńko 9:19 Referans Kwoze

Sereńko 3:7

E Probhu Isor, dela hijukʼme; E ińren Isor, bańcaoiń me. Am do ińren bạiriko jambereyem ghạletʼkoa ar bạṛicʼ hoṛkoakʼ ḍaṭa dom rạputʼ giḍikatako kana.

Sereńko 44:26

Dela hijukʼme, ar goṛowaleme; amakʼ asambheṛ dayate chaḍaoleme.

Sereńko 44:23

E Probhu Isor, ebhenokʼme, cedakʼem jạpitʼ akada? Ma beretʼme, jaejug hạbicʼ do alom bạgi giḍilea.

Sereńko 10:12

E Probhu Isor, ma teṅgonme; E Isor, amakʼ ti tiạrme, ar nacarko do alom hiṛińkoa.

Sereńko 7:6

E Probhu Isor, edrete ma beretʼme, ińren bạirikoakʼ raṅgao upạrte ti tiạrtam. Iń lạgitʼ ebhenokʼme, ente amakʼ dhorom bicạr reakʼ katham lại jạhir akada.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Sereńko 149:7

jemon onko do jạtrenko cetanreko hala ruạṛ daṛeakʼ ar onko hoṛko sạjại daṛeako,

Sereńko 79:6

Okoe bako manaome onko jạtrenko cetanre am do amakʼ edre upʼakome, ar onako rajosṭi cetanrehõ onkaeme okoe do amakʼ ńutum bako dohaeyakʼkan;

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Sakariạ 14:18

Misorrenko hõ bako calakʼ khan ar dewa seware bako seledokʼ khan onkoakʼ disạmre hõ bae daga. Ar okoe jạtrenko chạuni porob manao lạgitʼ bako calakʼ Probhu Isor do onko cetanre oka mahamạriye paṛao ocoy Misorrenko cetanre hõ inạ mahamạrigeye paṛao ocoya.

Mikạ 5:15

Okoe jạtrenko iń tabere bạnukʼko onko cetanre do edreteń hala hạliya.”

Joel 3:12

Probhu Isore meneda, “Jạt jạtrenko doko hoho ạgu ocokʼ ma; onko do Jehosaphat reakʼ buru nalateko sen idikʼma, ente onḍe iń do beṛhaeten sanam jạtrenko bicạrko lạgitʼ iń duṛupʼa.

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Sereńko 80:2

Am do Ephrayim, Benjạmin ar Manasi samaṅre amakʼ daṛe rakapʼ ocoytam ar ale bańcaole lạgitʼ dela hijukʼme.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”