Sereńko 9:13 - সান্তালী বাইবেল

¹³ E Probhu Isor, dayawạńme baṛe; ar ńelme, bạiriko cetʼlekako santao edeńkana. Moron reakʼ duạr khon do amge rakapʼ ruạṛińme,

Sereńko 9:13 Referans Kwoze

Sereńko 86:13

Iń lạgitʼ amakʼ asambheṛ dulạṛ reakʼ simạ do bạnukʼa; patal puri reakʼ latar utạr jaega khon am do ińakʼ jiwim rukhiyạ akatʼtińạ.

Sereńko 30:3

E Probhu Isor, am do patal puri khonem rakapʼ ạgu akadińạ; ar amgem bańcao doho akadińạ jemon ona khạndṛuṅre pheḍokʼ alo lagaoạń.

Rak̕joṅ 1:11

Uniren sanam hoṛko do jare jaretʼte jomakʼko ńam baṛakana; apnar bańcao tahen lạgitʼ onko do jomakʼ bodolte akoakʼ damanakʼ jinisko emakana. Jerusaleme meneda, “E Probhu Isor, beṅgedme, ar hudisme, iń doń nihạ̃t giḍi ocoakana.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Jesaea 38:10

Ińiń menleda, “Ińakʼ bahaokʼ reakʼ adha dinkorege cetʼ iń do Sheol reakʼ duạrte bolokʼ hoyokʼtińạ? Ar ińakʼ sarecʼ bochorko khon do cetʼ iń eṛe ocokʼa?”

Sereńko 142:6

Ińakʼ rakʼjoṅ baṛe luturakʼtińme, ente ạḍi awaṭapareń paṛao akana; okoe ińko khudạu edeńkan onkoakʼ ti khon bańcaoińme, ente iń khon doko daṛeangea.

Sereńko 119:153

Ińakʼ duk beṅgetʼakʼme ar rukhiyạyińme, ente iń do amakʼ hukumko bạń hiṛińakada,

Sereńko 119:132

Okoe amko dulạṛme onkore cetʼlekam tahenkan, onkage iń secʼ ạcurokʼme ar iń dayawạńme.

Sereńko 56:13

ente gujukʼ reakʼ ti khon am do ińakʼ jiwim rukhiyạ akatʼtińạ ar ńurokʼ khonem bańcao akadińạ, jemon jion reakʼ marsalre Isor samaṅreń dãṛãbaṛa daṛeakʼ.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Sereńko 38:19

Ińren bạiriko do ṭaṭka arko daṛegea; ar okoe ạuṛiyakʼteko kurudạńkan onko doko ḍhergea.

Sereńko 25:19

Ńelkom, ińren bạirikoakʼ lekha do tinạkʼ gana; onko do bebạṛicʼko kurudạń kana.

Sereńko 13:3

E Probhu ińren Isor, iń secʼ beṅgedme ar roṛ ruạṛạńme; ar daṛe emạńme; ar baṅkhan ińre do moron reakʼ jạpitʼge hijukʼa.

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Johan 2:6

Jihudikoakʼ cạli leka ona jaegare apʼ ạbukokʼ lạgitʼ dhiri reakʼ turui goṭecʼ dakʼ hanḍhako doṛomakatʼ tahẽkana. Onako reakʼ mimitʼ goṭecʼre do babar pepe mon leka dakʼ sahobokʼa.

Sereńko 107:18

Onkoakʼ jiwi do sanam lekan jomakʼko hirkhạwada ar gujukʼ duạr ṭhenko seṭerlena.

Genesis 4:9

Unre Probhu Isor do Kaine kulikedea, “Amren boeha Habel do okare menaea?” Kaine menkeda, “Bạń baḍaea. Ińren boeha ńel todarote reakʼ bhar do cetʼ iń cetanre menakʼa?”

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

1 Rapajko 21:19

Unim metawea, Probhu Isore meneda, ‘am do cetʼ mitʼṭen hoṛ gocʼkate uniyakʼ sompotti bam dokhol lạgidokʼ kana?’ Ona tayom unim metaea, Probhu Isore meneda, ‘Setako okare Nabatakʼ mãyãmko caṭokʼ jom akatʼ onḍege onko do amakʼ mãyãm, hẽ amakʼ mãyãm hõko caṭokʼ jomtama.’ ”

2 Rapajko 9:26

‘Iń Probhu Isorgeń meneda, iń do hola Nabat ar uniren hoponkoakʼ mãyãmiń ńel akada, ar niạ jumi cetanre khạṭige uni reakʼ am ṭheniń hala ruạṛa.’ Enḍekhan Probhu Isorakʼ katha leka ńitokʼ kuṭuṅ rakapʼkate ona jumire giḍikaeme.”

2 Bõsbudạ 24:22

Sakariạren apattetʼ Jehoyada do Joas ṭhen oka pạtiạrtetʼe udukʼletʼ Joas do ona bae disạletʼte uniren hopone gocʼ ocokedea. Sakariạ do gujukʼ jokhecʼe menleda, “E Probhu niạ baṛe hala ruạṛme.”

Sereńko 10:12

E Probhu Isor, ma teṅgonme; E Isor, amakʼ ti tiạrme, ar nacarko do alom hiṛińkoa.

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.