Sereńko 89:48 - সান্তালী বাইবেল

⁴⁸ Okoe kanae uni daṛean hoṛ do, okoe do jiwetʼge menae ar bae gujukʼ? Nonkan okoe menakʼkoa, okoe do patal puri khon apnarteye rukhiyạ daṛekokʼ? (Sela)

Sereńko 89:48 Referans Kwoze

Sereńko 49:15

Menkhan patal puri reakʼ ti khon Isorge chaḍao reakʼ dam lekate ińe rukhiyạyińạ; uni do acʼ ṭhen khạṭigeye idiyińạ. (Sela)

Ibriko 11:5

Biswạs iạtege Enok do bae gocʼlena; uni do sermateye rakapʼ ocoakana. Isor do uniye idiakade iạte bae sendra ńamlena. Enok idiye lahare Isor do noa gohae emleda je, Enok do uniye kusi ocoakadea.

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Sosolhayic̕ 9:5

Jiwetʼ hoṛ doko baḍaegea, onko do gujukʼ hoyokʼtakoa mente, menkhan gocʼko do cetʼ hõ bako baḍaea. Onko lạgitʼ kuṛại do bạnukʼa, ente onkoakʼ katha do hiṛińena.

Johan 8:51

Sạrigeń metapekana, jãhãege ińakʼ katha leka senokʼe menjoṅkan khan uni do tis hõ bae gujukʼa.”

Sosolhayic̕ 8:8

Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.

Jobakʼ 30:23

Baḍaegeạń am do gujukʼ secʼem idiyedeń kana, sanam jiwetʼ hoṛko lạgitʼ dohoakatʼ ṭhạ̃item idiyedeń kana.

Aposkạmi 2:27

ente patal purire do bam giḍiyińạ, ar amren sonoticʼakʼ hoṛmo hõ bam nosṭo ocoya.

Sereńko 22:29

Dhạrtiren kisạ̃ṛ hoṛko hõ unre uni samaṅreko jom ńũiya, ar uniko sewawaea; apnarakʼ jiwi bańcao reakʼ dhej bạnukʼtakote okoeyakʼ mitʼ jaṅga do topare menakʼtako, onko hõ uni samaṅreko ikhṛumokʼa.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

2 Korinthiko 4:14

ente alele baḍaea, Probhu Jisu okoeye jiwetʼkede uni do Jisu sãote ale hõe jiwetʼ beretʼlea ar ape sãote ale hõ acʼ samaṅreye teṅgolea.

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Sereńko 119:84

Amren golamakʼ bahaokʼ do ar tinạkʼ din? Okoe ińko santaoedeń kan onko do tisem bicạrkoa?