Sereńko 89:3 - সান্তালী বাইবেল

³ Am dom menakada, “Ińren bachao hoṛko lạgitʼ iń do mitʼṭecʼ bondobosiń bandhao dohoakada; ińren golam Dạud ṭhen iń do noań kiriạ akana,

Sereńko 89:3 Referans Kwoze

Sereńko 132:11

Probhu Isor do Dạud ṭhen noageye kiriạlena one okaṭakʼ do tisge bae rạpud, “Amren mitʼṭen hopon do amakʼ siṅghạsonreń duṛubea.

Aposkạmi 2:30

Uni do mitʼṭen nạbiye tahẽkana, are baḍaekan tahẽkana Isor do kiriạkate noae gokʼade tahẽkana je, uniyakʼ siṅghạsonre uni bõsrenge mitʼṭen hoṛe duṛubea.

Sereńko 89:28

Jaejug hạbicʼ uni lạgitʼ ińakʼ dulạṛ do tahena; uni lạgitʼge ińakʼ bondobos do ṭikạu tahena.

1 Rapajko 8:16

‘ińren hoṛko Misor disạm khoniń oḍok ạguletʼko tayom Israelkoakʼ jãhãn nagraha do bạń bachaoana one onḍe apnar sodorokʼ lạgitʼ mitʼṭecʼ tahen oṛakʼ benaokʼ. Menkhan ińren Israelko ḍanṭaoko lạgitʼ do Dạudgeń bachaoan tahẽkana.’

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

Ibriko 7:21

menkhan Jisuye maraṅ naekeye jokhecʼ doe kiriạlena. Sonot sostorre noa reaṅ ol akana, Probhu Isor doe kiriạyena, “Am do jaejug hạbicʼ naeke kanam.” Noa babotre uni do acʼakʼ mon bae pheraotaea.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

2 Samuel 3:9

Probhu Isor do Dạud ṭhen kiriạkate okaṭakʼe gokʼletʼ onka iń bạń kạmi, metatʼme Sạulakʼ bõs khon rajosṭi hataokate Dan khon Berseba hạbicʼ Israel ar Jihudạ cetanre Dạudakʼ siṅghạson bạń teṅgoe enḍekhan Isor do Abner sạjạiye emaema ar ona do ạḍi bạṛicʼ sạjạige.”

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Jirimiạ 30:9

Ona bodolte onko do akoren Probhu Isor ar akoren raj Dạudren mitʼṭen hoponko sapʼsoraea one iń do onkoren rajiń hoeocoye.

Sereńko 89:39

Amren golam lạgitʼ oka bondobosem dohoakatʼ ona dom hirkhạ akawada; ar ona reakʼ mukuṭ do dhuṛire giḍikatem be sonotakada.

Sereńko 78:70

Uni do acʼren golam Dạude bachaokedea, uni bhiḍi khạṛ khon hijukʼicʼge;

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Sereńko 89:19

Mitʼ dhao am do dorsonte am botoramkom metatʼko tahẽkana, “Iń do mitʼṭen birbanṭa hoṛiń goṛo akadea; ar onko mod khon mitʼ hoṛiń bachaoante coṭteń rakapʼ akadea.

Bikʼcạrko 2:1

Probhu Isorren goḍet do Gilgal khon Bokimre hecʼkate Israelkoe metatʼkoa, “Iń do Misor disạm khoniń oḍok ạgu akatʼpea ar oka disạm emape lạgitʼ aperen hapṛamko ṭheniń gokʼletʼ ona disạmteń ạgu akatʼpea. Ińiń menakada, ‘ape lạgitʼ oka bondobosiń dohoakatʼ ona do tishõ bạń rạpuda.