Sereńko 89:26 - সান্তালী বাইবেল

²⁶ Uni do hohowạńteye mitạńa, ‘amge ińren Baba do, ińren Isor, ar ińren aotan buru.’

Sereńko 89:26 Referans Kwoze

2 Samuel 7:14

Iń do uniren apatiń hoyokʼa ar uni do ińren hopone hoyokʼa. Ar uniye behok lekhan eṭakʼ hoṛ cetʼleka sạjạiko ńam uni hõ onkageń sạjạiyea.

2 Samuel 22:47

Probhu Isor doe jiwetʼgea. Ińakʼ asray cạṭạini do sarhao hoyokʼtae ma. Ińren Isor, okoe doe ińren rurukhiyạicʼ burukan, uni doe usulokʼma.

Sereńko 95:1

Dela, Probhu Isor ńutumte rạskạte bon sereńaema; aboren rurukhiyạ buru bon andoṛaema.

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ ocogokʼ khan begor onań ńũite, enḍekhan amakʼ sana lekage baṛe hoyokʼma.”

Sereńko 62:2

Eken unige ińren usul buru ar ińren babańcaoicʼ do; unige ińren gaṛ, iń do bạń bhagao ocokʼa.

Johan 11:41

Unre dhiriko ocokʼkeda. Ar Jisu do coṭ secʼ beṅgetʼ rakapʼkateye menkeda, “E Baba, ińakʼ katham ańjomketʼte iń do amiń gun manao joharam kana.

Luk 23:46

Jisu do ãṭ aṛaṅte hohowateye menkeda, “E Baba amakʼ tire ińakʼ jiwiń jimạyetʼkana.” Ar noae roṛketʼ khan jiwi oḍokentaea.

Sereńko 18:46

Probhu Isor doe jiwetʼgea. Ińakʼ asray cạṭạini do sarhao hoyokʼtae ma, ar ińakʼ bańcaokʼren Isor doe usulokʼma.

Johan 20:17

Jisui menkeda, “Alom hạṛubińạ, ente ńit hõ sermaren Baba ṭhen ạuriń calakʼa. Am do senkate boehako lạiyakome, okoe doe iń ar aperen Babakan ar okoe doe iń ar aperen Isorkan, iń do uni ṭheniń rakapʼ calakʼkana.”

Mark 15:34

Ar pe baja okte Jisu do ãṭ aṛaṅte hohoateye menkeda, “Eloi, Eloi Lama Sabakthani,” metakʼme “E ińren Isor, E ińren Isor, cedakʼem bạgi giḍiạdińa?”

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

1 Bõsbudạ 22:10

Unige iń lạgitʼ mitʼṭecʼ oṛakʼe benaoa. Uni do ińren hopone hoyokʼa ar iń do uniren apatiń hoyokʼa. Israelko cetanre uniyakʼ rajosṭi do jaejug hạbicʼ tahentaea.’

Ibriko 1:5

Isor do jãhãtis cetʼ jãhãe serma goḍet noa kathae men akawadea, “Am do ińren hopon kanam, teheńge amren apatiń hoyena?” Arhõ uni do cetʼ noae men akada, “Iń do uniren apatiń hoyokʼa ar uni do ińren hopone hoyokʼa?”

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

Sakariạ 9:10

Iń Ephrayimge rãt gạḍi ar Jerusalemren lạṛhại sadom jotogeń maraokoa ar lạṛhại reakʼ akʼ iń rạputʼ giḍikatakoa. Uni do jạt jạtrenko ṭhen suluke lại sodora. Uniyakʼ ḍanṭao do doreão khon doreão hạbicʼ, Phurạt gaḍa khon dhạrti reakʼ ses simạnako hạbicʼ hoyokʼtaea.