Sereńko 89:22 - সান্তালী বাইবেল

²² Okoe bạiri hõ uni cetan do bako rakapʼ daṛeakʼa; ar okoe bạṛicʼ hoṛ hõ uni do bako santao daṛeaea.

Sereńko 89:22 Referans Kwoze

2 Samuel 7:10

Ińren hoṛ Israelko lạgitʼ mitʼṭecʼ jaegań ṭhik dohoyte onḍege cara lekań rohoekoa, jemon onko do akoakʼ jaegare sulukteko girobas daṛeakʼ ar ińren hoṛ Israelko cetanre cakʼlaoyicʼ iń bahale tayom onko cetanre bạṛicʼ hoṛkoakʼ okako santao hecʼlen onka do ar bako daṛeakʼa. Iń do sanam bạirikoakʼ ti khon amiń rukhiyạmea. “ ‘Iń Probhu Isor do arhõń meneda, iń apnarge amren bõskoń teṅgo rakapʼkoa.

1 Bõsbudạ 17:9

Ińren hoṛ Israelko lạgitʼ mitʼṭecʼ jaegań ṭhik dohoya ar onḍege cara lekań rohoekoa jemon onko do akoakʼ jaegare sulukteko girobas daṛeakʼ ar ińren hoṛ Israelko cetanre cakʼlao koń bahal akatʼko tayom khon onko bạṛicʼ hoṛko oka santaoko calaoletʼ ona jemon ar aloko daṛeakʼ. Iń do amren sanam bạirikoń kobojkoa. “ ‘Iń do arhoń meneda, iń Probhu Isorge amakʼ bõsrenkoń teṅgo ruạṛkoa.

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

2 Thessalonikiko 2:3

Okoe hõ jemon aloko bulạupe, ente ona din hijukʼ lahare Isor upạrte maraṅ bhiṅgṛạu do hoyokʼa, ar uni nonosṭoren hopon, one okoe do maraokʼ reakʼ katha menakʼtae uniye sodorokʼa.