Sereńko 89:2 - সান্তালী বাইবেল

² Ińiń lại saḍea je, amakʼ dulạṛ reakʼ kạmi do jaejug hạbicʼ borket idikʼkana mente; ar amakʼ pạtiạrtetʼ do sermarem bạisạu akada.

Sereńko 89:2 Referans Kwoze

Sereńko 36:5

E Probhu Isor, amakʼ asambheṛ dulạṛ do serma hạbicʼ menakʼa; ar amakʼ pạtiạr do coṭ rimilko hạbicʼge.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Sereńko 89:37

Serma reakʼ pạtiạr ńindạ cando lekage ona do jaejug lạgitʼ tear dohokʼa.” (Sela)

Sereńko 89:5

E Probhu Isor, serma reakʼ sanamakʼ do amakʼ maraṅ kạmi reakʼe oṛhẽ sereńetʼkana, sonot goḍetko talare amakʼ pạtiạrtetʼko sarhaoeda.

Nehemiạ 9:31

Menkhan amakʼ asambheṛ daya gunạkʼte onko do bam maraoletʼkoa se bam bạgi giḍiletʼkoa ente am do daya ar mãyãte perecʼ Isor kanam.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 119:89

E Probhu Isor, amakʼ goha do sermare jaejug hạbicʼ diṛho akae menakʼa.

Sereńko 42:1

Jel hopon dakʼ lạgitʼ cetʼlekae ahkaokʼ kan, onkage E Isor, ińakʼ jiwi do am lạgitʼ ahkaokʼ kantińạ.

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Nehemiạ 1:5

Ona tayomiń menkeda, “E sermaren Probhu Isor, am dom maraṅ ar botoranicʼ Isor kana, okoe do amko dulạṛetʼme ar amakʼ hukumko senakʼkan onko lạgitʼ do jaejug dulạṛ reakʼ bondobosem rukhiyạ dohoyeda.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Sereńko 40:11

E Probhu Isor, amakʼ mãyã iń khon alom sapʼ dohoytama; amakʼ asambheṛ dulạṛ ar pạtiạr do jao ghuṛige jemone rukhiyạyiń ma;