Sereńko 89:18 - সান্তালী বাইবেল

¹⁸ Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.

Sereńko 89:18 Referans Kwoze

Sereńko 47:9

Jạt jạtrenko modre okoe doko maraṅ hudạren kan, onko do mitʼ ṭhenko jarwakʼa, Onko do Abrahamren Isorren hoṛ menkategeko jarwakʼa. Dhạrtiren sanam disạm cakʼlaokoge Isor gobolren kanako, uni do sanamko khone maraṅgea.

Sereńko 71:22

E ińren Isor, amakʼ pạtiạrtetʼ iạte iń do taranakʼ banam seletʼ iń sarhaomea; E Israelren sonoticʼ, iń do peṛesaṅ banamateń sarhao sereńama.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Jesaea 43:14

Probhu Isor, aperen chakʼḍaoicʼ, Israelren uni sonoticʼ do niạ kathae meneda, ‘iń do ape ńutumte Babelte hoṛkoń kolkoa ar sanam huṛkạṛ koń rạputʼ giḍikakʼa; ar Kạldikoakʼ bạḍạiyiń maraotakoa.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Sereńko 44:4

E Isor, ińren raj do amge; Jakobakʼ jitạukʼ reakʼ do amgem bebosta akada.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Jesaea 30:11

Hor khon sahaṛokʼpe, ar suṛucʼ hor khon ghańjeṛokʼpe. Israelren uni sonoticʼakʼ katha do ar alope ańjomalea.”

Sereńko 62:6

Eken unige ińren usul buru ar ińren babańcaoicʼ do; unige ińren gaṛ, iń do ṭarhao akaniń tahena.

1 Samuel 2:1

Ona tayom Hanna do koejoṅateye menkeda, “Probhu Isor iạtegeń rạskạkʼ kana; Probhu Isorge ińe jitạu oco akadińạ. Ińren bạiri samaṅrege iń do khulạsate rạskạ sereńiń sereńetʼ kana; ente ińren bạiriyakʼ ti khonem bańcao kedeńte iń do ạḍiń rạskạkʼ kana.

Sereńko 148:14

Uni do acʼren hoṛko lạgitʼ mitʼṭecʼ dereńe rakapʼ akada; mitʼṭecʼ sarhaokʼage acʼren bhoktoko lạgitʼ, Israelko lạgitʼ acʼ sorre menakʼko hoṛko lạgitʼ. Probhu Isorakʼge sarhao hoyokʼtae ma.