Sereńko 89:16 - সান্তালী বাইবেল

¹⁶ Goṭa dinge am iạteko rạskạkʼ kana; amakʼ dhoromge onko do coṭteye rakapʼetʼkoa.

Sereńko 89:16 Referans Kwoze

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Luk 1:47

ińren babańcaoicʼ Isor iạte, ińakʼ jiwi do rạskạte perecʼ akana,

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Sereńko 29:7

Probhu Isorakʼ aṛaṅ do serma reakʼ bijli leka malkaokʼ kana.

Sereńko 40:10

Amakʼ dhorom reakʼ katha do ińakʼ ontorre bạń oko dohoya; iń do amakʼ pạtiạr ar bańcao reakʼ kathań lại idiya; amakʼ asambheṛ dulạṛ ar pạtiạr reakʼ katha maraṅ bạisire bạń oko dohoya.

Romiko lạgitʼ Pạul Apostolakʼ ciṭhi 1:17

Isor manwako cetʼlekate dhorom menteye ataṅko ona do bhage sombat hotete sodor akana. Etohopʼ khon mucạtʼ hạbicʼ pạtiạu hotetege manwa do eken dhorom menteye ataṅ ocokʼa. Sonot sostorre olakana; “Dhoromicʼ do pạtiạu hotetege jione ńama.”

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Sereńko 105:3

Uniyakʼ ṭhonoktetʼ sarhaotaepe; okoe Probhu Isorakʼ khạndritetʼ baḍae sanayetʼko onkoakʼ ontor do rạskạkʼtakoma.

Sereńko 44:8

Isor iạtege ale do jaogele gorbokʼ kana; jaejug ale do amgele sarhaomea. (Sela)

Sereńko 33:21

Unirege aboakʼ mon do rạskạkʼ kana, ente abo do uniyakʼ ńutumre bon bhorsa akana.

Sereńko 29:5

Ona aṛaṅ do debdạru darekoe rạputʼeda; Probhu Isor do Lebanon reakʼ debdạru darekoe rạputʼ kaṭra kuṭrạyeda.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Levitikus 25:8

“Eae jirạukʼ bochorre, metakʼme eae jirạukʼ bochorpe lekhaya. Ar ona eae jirạukʼ bochor paromlen khan pongel are bochor hoyokʼa.

Levitikus 25:9

Ar ona dosar bochor reakʼ eae cando reakʼ gelakʼ dinre, metakʼme kại reakʼ puruchun dinre apeakʼ disạmre sanam jaegare sakwape oroṅa.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.