Sereńko 89:14 - সান্তালী বাইবেল

¹⁴ Dhorom ar hok cetanre amakʼ siṅghạson do teṅgo akana; dulạṛ ar sạriyakʼtetʼ do am laha lahate calakʼ kana.

Sereńko 89:14 Referans Kwoze

Sereńko 97:2

Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Sereńko 85:13

Bedhorom do uni laha lahateye calakʼa; ar uniyakʼ taṛam lạgitʼ hore benao idiya.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Sereńko 89:2

Ińiń lại saḍea je, amakʼ dulạṛ reakʼ kạmi do jaejug hạbicʼ borket idikʼkana mente; ar amakʼ pạtiạrtetʼ do sermarem bạisạu akada.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Nehemiạ 1:10

“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa.

Sereńko 98:1

Probhu Isor ńutumte nãwãnakʼ sereńpe, ente uni do aema hahaṛawakʼkoe kạmi akada; uniyakʼ daṛe, hẽ, uniyakʼ sonot maraṅ daṛete uni doe bańcao akada.