Sereńko 88:4 - সান্তালী বাইবেল

⁴ Okoe patal puriteko calakʼa onko modre iń hõń lekha ocoakana; ar daṛeanicʼ iń hoyakanre hõ iń doń nijor akana ar daṛe bạnukʼtae hoṛ lekageń hoyakana.

Sereńko 88:4 Referans Kwoze

Sereńko 28:1

E Probhu Isor, ińren asray buru, iń do amgeń hohowam kana. Am do ińakʼ kathate lutur alom tubạtʼ katama, ente hape akanem tahen khan enḍekhan patal purite okoeko pheḍakan onko lekage ińakʼ dosa do hoyokʼtińạ.

2 Korinthiko 1:9

Alele hudisetʼ tahẽkana, niạ dhao do khạṭigele gujukʼa. Menkhan ona dosa do noa lạgitʼge paṛaoatʼle tahẽkana jemon apnarre bhorsa baṅkate, okoe gocʼkoe jiwetʼ beretʼetʼko, uni Isorre bhorsa akanle tahen.

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 31:12

Gocʼ hoṛ cetʼ lekako hiṛińokʼ onkage onko do ińko hiṛiń akadińạ; iń do rạputʼ bhajan lekań hoyakana.

2 Korinthiko 13:4

Uni do nijorreye kurus ocolena, menkhan Isorakʼ daṛete jiwetʼ menaea. Ale do uni sãote mitʼakantele nijorakana, menkhan ape lạgitʼ Isorakʼ daṛete uni tulucʼ jiwetʼle tahena.

Romiko lạgitʼ Pạul Apostolakʼ ciṭhi 5:6

Nijor bon tahẽkanre Mạsi do ṭhik okterege bedhorom manwako lạgitʼ, metakʼme abon lạgitʼgeye gocʼlena. Jãhãe dhorom hoṛ lạgitʼ okoehõ jiwi do bako em lạgidokʼa.

Jona 2:6

Iń doń unumena ar buru reakʼ rehetʼ hạbicʼ iń senena; Sheol do jaejug lạgitʼe aṭkao dohokedińa. Menkhan E ińren Probhu Isor, am do onḍe khonem rakapʼ ạgukedińa.

Jeheskel 26:20

unre patal purite calakʼkan hoṛko sãote onko sedaeren hoṛko ṭheniń pheḍ idimea. Ar dhạrti khạndṛuṅ reakʼ jarkharakʼ talare patal purite calakʼkan hoṛko sãoteń girobas ocomea. Amre do ar celege bako girobasokʼa ar jiwetʼkoakʼ disạmre amakʼ ṭhạ̃i do ar baṅ hoyokʼtama.

Sereńko 30:9

“Ińakʼ gujukʼre se patal puriteń calakʼre do cetʼ labtiń? Dhuṛi do cetʼ ame sarhaomea?

Jobakʼ 17:1

“Ińakʼ mon do rạputʼ akantińạ, ar bahaokʼ dinko hõ mucạtʼ hijukʼkana, ar kobor hõ iń lạgitʼe ńel horetʼkana.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Rak̕joṅ 3:15

Haṛhatʼakʼkote uni doe perecʼ akadińạ, ar bisteye bi ocoakadińạ.