Sereńko 88:3 - সান্তালী বাইবেল

³ Ente ińakʼ ontor do dukte perecʼgea; ińakʼ jiwi do patal puri hạbicʼ sen akana.

Sereńko 88:3 Referans Kwoze

Sereńko 107:18

Onkoakʼ jiwi do sanam lekan jomakʼko hirkhạwada ar gujukʼ duạr ṭhenko seṭerlena.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Sereńko 107:26

Ar jahaj cakʼlaoko do serma hạbicʼ rakabokʼkan ar athan khạndri hạbicʼ pheḍokʼko ehopʼena; muhinre paṛaoente botorte onkoakʼ jiwi do oṭaṅentakoa.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Jobakʼ 33:22

Uniyakʼ moron do jarkharokʼ ṭhen sorokʼkana, uniyakʼ jiwi do gujukʼ gogocʼko ṭhen sorakana.

Sereńko 17:1

E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;