Sereńko 88:12 - সান্তালী বাইবেল

¹² Ńut jaegare cetʼ amakʼ hahaṛa kạmiko do bujhạukʼgea? Oka disạmren hoṛ do hoṛko hiṛińko onḍe do cetʼ amakʼ dhorom reakʼ kạmiko bujhạukʼgea?

Sereńko 88:12 Referans Kwoze

Sosolhayic̕ 9:5

Jiwetʼ hoṛ doko baḍaegea, onko do gujukʼ hoyokʼtakoa mente, menkhan gocʼko do cetʼ hõ bako baḍaea. Onko lạgitʼ kuṛại do bạnukʼa, ente onkoakʼ katha do hiṛińena.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Mathae 8:12

Menkhan rajosṭiren hoponko do bahre ńutreko giḍi ocokʼa. Onḍe do rakʼjoṅ ar togocʼ ḍaṭa hoyokʼa.”

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Sosolhayic̕ 8:10

Ona tayom noa hõń ńelkeda, bedhoromko doko topa ocokʼ kana. Noko do mundilteko bolo oḍokokʼkan tahẽkana; tayomte nagraharen hoṛ do onkoakʼ dusṭạmiko hiṛińketʼtakoa. Niạ hõ ạuṛiyakʼgea.

Sosolhayic̕ 2:16

Cetʼleka hoṛko do bebuj hoṛko bako disạ dohoko onkage ạkilan hoṛ hõ ḍher din do bako disạ dohokoa; tayom daram dinkore nukin bana hoṛgeko hiṛińkinạ. Bebuj hoṛ cetʼlekae gujukʼ onkage ạkilan hoṛ hõe gujukʼa.

Sereńko 143:3

Bạiri do ińe khudạuedeń kana, uni do otreye tawakʼ bhindạṛ akadińạ; ar ḍher din laharen gocʼ hoṛ leka uni do ńutreye berel ocoakadińạ.

Sereńko 88:5

Iń do patal purireń khadle giḍi ocoakana; iń do gocʼicʼ, topareye giticʼ akan hoṛ lekageń hoyakana, ar okoekoakʼ katha am do bam disạyetʼ, onko do amakʼ ti khonko getʼ begarakana.

Sereńko 31:12

Gocʼ hoṛ cetʼ lekako hiṛińokʼ onkage onko do ińko hiṛiń akadińạ; iń do rạputʼ bhajan lekań hoyakana.