Sereńko 88:11 - সান্তালী বাইবেল

¹¹ Topare amakʼ asambheṛ dulạṛ ar norokre pạtiạr reakʼ katha do cetʼ porcarokʼ tama?

Sereńko 88:11 Referans Kwoze

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

Romiko lạgitʼ Pạul Apostolakʼ ciṭhi 9:22

Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko upạrte acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente onko hoṛkoakʼ kuṛại do moron tahẽkana.

Mathae 7:13

“Sakṛa duạrte bolokʼpe, ente okaṭakʼ hor bạṛicʼ secʼe idipe ona reakʼ duạr do osargea ar hor hõ phaelaogea. Ar ḍher hoṛge onateko bolokʼ kana.

Kạhtukko 15:11

Probhu Isor samaṅre Sheol ar Abbadon banarge sodorgea; enḍekhan tinạkʼ artetʼge manwakoakʼ mon do!

Sereńko 73:18

Onko do sạrige leńjedokʼ jaegarem dohoakatʼkoa ar mohor meṭaokʼ talarem ńurhạ giḍi akatʼkoa.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Jobakʼ 26:6

Isor samaṅre Sheol do oṭakʼgea; Abadonakʼ hõ dapalokʼ reakʼ do bạnukʼa.

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

Sereńko 6:6

Iń do kuhrạu kuhrạuteń laṅga caba akana; goṭa ńindạ rakʼ rakʼte aṭetʼiń lohotʼetʼtińạ, ar mẽtʼ dakʼte ińakʼ parkomiń ḍiń ḍạbureda.

Jesaea 26:19

Menkhan amren gocʼakan hoṛ doko bańcaokʼa; onkoakʼ hoṛmo do jiwetʼ ruạṛokʼtakoa. Ape okoe do dhuṛirepe girobasokʼ kan, ape do dela ebhenokʼpe ar rạskạte andoṛpe. Setakʼ reakʼ sisir dakʼ cetʼleka dhạrtiye purṭhạ ocoyetʼ onkage am do gocʼko jiwiyem danakoa.

Jeheskel 37:3

Uni do ińe kulikedińa, “E manwa hopon, noako jaṅ do cetʼ jiwetʼ daṛekokʼgea? ” Ińiń menkeda, “E Probhu Isor, eken amge ona dom baḍaea.”