Sereńko 87:4 - সান্তালী বাইবেল

⁴ Probhu Isore meneda, “Okoe sạriyakʼgeko baḍae edeńkan onko reaṅ lại jokhecʼ iń do Rahob ar Babel reakʼ kathań lạiya, ar onko Philisṭiko, Tur ar Kusrenkoakʼ katha hõń lạiya, ‘noko mimitʼko do Sionreko janam akana.’ ”

Sereńko 87:4 Referans Kwoze

Sereńko 45:12

Tur nagraharen hoponerako do sandesko ạgu daraya; ar ạḍi kisạ̃ṛ hoṛko do amakʼ dayako khoja.

Sereńko 68:31

Misor khon rajren goḍet doko hijukʼa; ar Kusren hoṛko do hare phare Isor secʼ tiko tiạr takoa.

Sereńko 89:10

Rahab do gocʼicʼ leka amgem chaka chun akadea; am daṛeanakʼ tite amren bạirikom chirchạtur akatʼkoa.

Jobakʼ 9:13

Isor do acʼakʼ edre bae or ruạṛtaea; dakʼren danob Rahabren gokʼṛoko hõ uni ṭhen doko jaṅga latarokʼa.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Johan sodor 17:5

Uniyakʼ moloṅre nonkan ńutum ol tahẽkana one ona reaṅ mitʼṭecʼ okoakʼ menakʼ. Ona ńutum do kana, “Maraṅ Babel, kusmbiko ar dhạrti reakʼ joto hirkhạwakʼkoren eṅgat.”

Aposkạmi 8:27

Unre Philip do ona secʼe calaoena. Ar horre Ithipiạ disạmren mitʼṭen maraṅ raj kạmiạ hoṛ soṅgeteye ńapamena. Uni raj kạmiạyicʼ do cạkrại tahẽkana. Ithipiạren Kandake rạniyakʼ dhon-duribko ńel todarot reakʼ bhar do nui hoṛ cetanrege tahẽkana. Uni kạmiạyicʼ do Isor sewawae lạgitʼ Jerusalemteye senlena.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jesaea 19:11

Soanren cetan hudạren kạmiyạko doko bebujgea; Pharaoren ạkilan sosolhako do ạuṛiyakʼ solhako emokʼkana. Ape do cekate Pharaope men daṛeae kana, “Iń do ạkilan hoṛko modren mitʼ hoṛ ar sedaeren raj bõsren kạnạń mente?”

Sereńko 137:1

Babel reakʼ gaḍa aṛere duṛupʼkate tinre ale do Sion reakʼ kathale disạyetʼ tahẽkana unre ale dole rakʼetʼ tahẽkana.

1 Samuel 17:8

Ar Goliạt do teṅgokate ãṭ aṛaṅte Israelkoren lạṛhại phạdkoe metatʼkoa, “Lạṛhại lạgitʼ phạdko do cedakʼpe sajao akatʼkoa? Iń do mitʼṭen Philisṭi hoṛ kạnạń ar ape ma eken Sạulren gutikanpe. Ape modkhon mitʼ hoṛ bachaoepe; ar uni do iń ṭhene pheḍ hijukʼma.