Sereńko 86:1 - সান্তালী বাইবেল

¹ E Probhu Isor, ińakʼ katha luturakʼtińme ar roṛ ruạṛạńme, ente iń do nandan ariń nacargea.

Sereńko 86:1 Referans Kwoze

Sereńko 31:2

Iń secʼ amakʼ lutur oḍaotam; ar bańcaoiń lạgitʼ usạrate hijukʼme. Iń rukhiyạyiń lạgitʼ asray cạṭạnige hoyokʼme ar ińakʼ aotan gaṛ hõ hoyokʼme.

Sereńko 40:17

Iń do reṅgecʼ ariń nacargea, menkhan iń reaṅ do Probhu Isorgeye dạndikʼ kana. E ińren Isor, alom biloma amkangeam ińren gokʼṛoyicʼ ar babańcaoicʼ do.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Mathae 5:3

“Monre reṅgejokʼkogeko bhạgana, ente serma raj do onkoakʼ kangea.

Sereńko 34:6

Nui nacaricʼ do Probhu Isore hohoadea; ar Probhu Isor do uniyakʼe ańjomketʼtaea ar sanamakʼ kosṭo khon uniye bańcaokedea.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 37:17

E Probhu Isor, luturakʼ tińme baṛe; ar amakʼ mẽtʼ beṅgedtam, ńelme; Senakerib do jiwetʼ Isor henostawae lạgitʼ cetʼko kathae roṛ gotʼakada.

Sereńko 142:1

Iń do ãṭ aṛaṅte Probhu Isoriń rakʼae kana; ińakʼ ãṭ aṛaṅte Probhu Isor ṭheniń nehõrokʼ kana.

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Sereńko 119:22

Opoman ar landa dhutʼ do iń khon sạṅgińkakʼme, ente iń do amakʼ katha lekań senokʼkana.

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Sereńko 17:6

E Isor, amiń hohowamre ańjomtińme, ar onategeń hohoam kana; ińakʼ katha luturakʼtińme, ar ińakʼ koejoṅ ańjomtińme.

Sereńko 102:1

E Probhu Isor, am do ińakʼ koejoṅ ańjomtińme; ińem goṛowạń khon ińakʼ noa rakʼjoṅakʼge am ṭhen baṛe seṭerokʼma.

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Sereńko 25:16

Iń secʼ ạcurokʼme ar dayawạńme, ente iń do eskar ariń bạpuṛicʼgea.