Sereńko 85:13 - সান্তালী বাইবেল

¹³ Bedhorom do uni laha lahateye calakʼa; ar uniyakʼ taṛam lạgitʼ hore benao idiya.

Sereńko 85:13 Referans Kwoze

Sereńko 89:14

Dhorom ar hok cetanre amakʼ siṅghạson do teṅgo akana; dulạṛ ar sạriyakʼtetʼ do am laha lahate calakʼ kana.

Johan 13:34

Mitʼṭecʼ nãwã hukumiń emape kana dupulạṛpe. Cetʼleka iń do apeń dulạṛ akatʼpe onkage ape hõ dupulạṛpe.

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

1 Patras 4:1

Onate Mạsi do hoṛmore duke sahaoletʼte ape hõ apnarakʼ ontorre inạ mitʼ monsubạge benao rakabtape, ente hoṛmore okoe duke jom akatʼ uni do kại reakʼ heowa khone thir akana.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Sereńko 119:35

Amakʼ hukum reakʼ horre ạyurińme, ente iń do onategeń rạskạkʼa.

Jirimiạ 31:14

Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

Jeheskel 36:30

Iń do dare reakʼ jo ar khet reakʼ phosolkoń baḍhao ocoytapea jemon akal khạtirte jạtrenko talare alope bemanot ocokʼ.