Sereńko 84:2 - সান্তালী বাইবেল

² Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Sereńko 84:2 Referans Kwoze

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Sereńko 119:81

Am dom rukhiyạyińạ ar ona ńel horte daṛe do komao hijukʼkantińạ; iń do amakʼ katharege asiń dohoakada.

Sereńko 143:6

Iń do am secʼ tiyiń tiyạretʼtińạ; khaṅgoṭ ot leka ińakʼ jiwi do amre tetaṅokʼ kana.

Sereńko 73:26

Ińakʼ hoṛmo ar mon do sesokʼa, menkhan Isorge ińakʼ ontor reakʼ daṛe do, ar unige ińakʼ jaejugren bakhra kanae.

Sereńko 119:20

Amakʼ ạn ạriko baḍae lạgitʼ jao okte ińakʼ jiwi do talga tạwạgokʼ akantińạ.

Soros sereń 5:8

E Jerusalemren kuṛiko, kiriạwạńpe, ińren dulạṛiạtińpe ńamle khan lạiyaepe iń do dulạṛteń kạhil caba akana.

Jobakʼ 23:3

Ekeniń baḍae khan okare uniye ńamokʼa, ar uniyakʼ tahen ṭhạ̃iteń sen daṛeakʼ khan,

Jesaea 64:1

Serma oṛecʼkate baṛem pheḍ hecʼlen khan! Ar am samaṅre buruko dalmalaolen khan!

Numeri 24:5

uni do noa kathae meneda: E Jakob, amakʼ tạmbuko do tinạkʼ mońj! E Israel, tinạkʼ mońj amakʼ tahen jaega do!