Sereńko 84:11 - সান্তালী বাইবেল

¹¹ Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Sereńko 84:11 Referans Kwoze

Kạhtukko 2:7

Uni do khạṭi ontorren hoṛko lạgitʼ bude jogao dohoyeda; ar dhoromte okoeko calakʼkan, onkoren ḍhale hoyokʼte

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Philipiko lạgitʼ Pạul apostolakʼ ciṭhi 4:19

ar noate Isor doe kusikʼkana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭakoe cabaetapea.

Sereńko 85:12

Okaṭakʼ bhageakʼ kan Probhu Isor do sạrige onae emokʼa, ar aboakʼ disạm do phosole danakʼa.

Kạhtukko 10:9

Okoe dhoromteye calakʼkan uni do khạtirjomae dãṛãnkana, menkhan okoe peṛta horteye calakʼ uni doe sapʼ ocokʼa.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

Sereńko 15:2

Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

Johan 1:16

Abo jotokoge uniyakʼ ona perecʼakʼ khon daya cetan daya bon ńam akada.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Sereńko 119:114

Amge ińren asray ar ińakʼ ḍhal do; amakʼ katharege iń do asiń dohoakada.

Kạhtukko 28:6

Kisạ̃ṛ hoṛ peṛta horteye calakʼ khon uni reṅgecʼ hoṛgeye bhagea one okoe do bin dusạnteye dãṛãnkan.

Mikạ 2:7

E Jakob bõsrenko, apeakʼ noa katha roṛ do baṅ ganokʼa, “Probhu Isorren Jiu do bae ạṛis akana; ar uni do noako kạmi bae kạmiya.” Probhu Isore meneda, “Okoe dhorom horteye calakʼ eken onko cetanrege ińakʼ katha do bhạlạiye ạguiya.

Galathiko lạgitʼ Pạul Apostolakʼ ciṭhi 2:14

Menkhan iń do, bhage sombat reakʼ sạriyakʼtetʼ tulucʼ onkoakʼ kạmi reakʼ jãhãn jurige bạń ńelletʼte sanamko samaṅre Kephas iń metadea, “Am do Jihudi hoykate boṅgan hoṛ jạtrenko lekam colonetʼkan khan cekate boṅgan hoṛ jạtrenko do Jihudiko leka colon lạgitʼem ajhãṭetʼkoa?

Sereńko 84:9

E Isor, aleakʼ ḍhal beṅgetʼakʼme; amren ojokʼicʼakʼ mẽtʼãhã beṅgetʼataeme.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

Johan 1:9

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Sereńko 47:9

Jạt jạtrenko modre okoe doko maraṅ hudạren kan, onko do mitʼ ṭhenko jarwakʼa, Onko do Abrahamren Isorren hoṛ menkategeko jarwakʼa. Dhạrtiren sanam disạm cakʼlaokoge Isor gobolren kanako, uni do sanamko khone maraṅgea.

Dosar Biboron 18:2

Israel boehako talare sompotti mente onko do cetʼge baṅ tahentakoa. Probhu Isorakʼ gokʼakʼ lekate Isorge onkoren sompotti doe hoyokʼa.