Sereńko 84:1 - সান্তালী বাইবেল

¹ E sanam daṛeanicʼ Probhu Isor, napaegea amakʼ tahen ṭhạ̃i do!

Sereńko 84:1 Referans Kwoze

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

Sereńko 43:3

Amakʼ marsal ar amakʼ sạriyakʼtetʼ baṛe imạńme; onage iń do hore udukʼạńma. Ar amakʼ sonot buruteye idiyińma one okare amem tahenkan,

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

Sereńko 122:1

Iń doń rạskạyena tinre hoṛkoko metadińạ, “Dela bon, Probhu Isorakʼ oṛakʼte bon calakʼa.”

Sereńko 8:1

E Probhu Isor, E aleren kisạ̃ṛ, goṭa dhạrtige amakʼ ṭhonokte perecʼ akana; ar sermare amakʼ ṭhonokem bạisạu akada.

Sereńko 132:5

ar tin hạbicʼ Probhu Isor lạgitʼ mitʼṭecʼ ṭhạ̃i bạń sendra ńam, Jakobren uni daṛeanicʼ Isor lạgitʼ mitʼṭecʼ tahen ṭhạ̃i bạń sendra ńam.”

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

Sereńko 81:1

Isor, okoe doe aboren daṛeanicʼkan, ape do uni sarhao sereńaepe; ar Jakobren Isor lạgitʼ õṛhẽ sereńpe.

Sereńko 42:1

Jel hopon dakʼ lạgitʼ cetʼlekae ahkaokʼ kan, onkage E Isor, ińakʼ jiwi do am lạgitʼ ahkaokʼ kantińạ.