Sereńko 82:2 - সান্তালী বাইবেল

² “Ape do ar tinạkʼ din behokpe bicạra? Ar tinạkʼ din bedhoromko secʼpe tahena? (Sela)

Sereńko 82:2 Referans Kwoze

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

Galathiko lạgitʼ Pạul Apostolakʼ ciṭhi 2:6

Manḍerren manotanko bikạukʼkan hoṛko do bhage sombat reaṅ nãwãnakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Sereńko 62:3

Mitʼṭen manwa cetanre ar tinạkʼ din noako santao dope calaoa; jemon laḍe akan bhit ar liḍạlaḍeakʼ eṭetʼakʼ leka jotokote unipe khũn daṛeae?

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

2 Bõsbudạ 19:7

Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Levitikus 19:15

“Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

Jobakʼ 32:21

Iń do okoeyakʼ mẽtʼãhã hõ bạń beṅgetʼakʼ kana, se jãhãe manwa hõ bạń jormoṭetʼkoa;

Jeheskel 45:9

“ ‘E Israelren disạm cakʼlaoko, iń Probhu Isorgeń menetʼkana, ḍherge hoyakana. Ńitokʼ do jor julum ar santao bạgikate dhorom ar bhage reakʼ kạmipe. Ińren hoṛkoakʼ jaega apeakʼ dokholre ạgui do bạgipe.