Sereńko 8:3 - সান্তালী বাইবেল

³ Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.

Sereńko 8:3 Referans Kwoze

Genesis 1:1

Etohopʼre Isor do ot ar sermae sirjạukeda.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Sereńko 111:2

Probhu Isorakʼ sanam kạmiko do bhagegea; okoe onateko rạskạkʼkan onko do onako reaṅgeko ganḍonokʼ kana.

Sereńko 104:19

Okteko niṭ lạgitʼ am do ńindạ candom benao akadea; amakʼ okte lekage siń cando hõe hạsurokʼa.

Sereńko 89:11

Serma hõ amakʼge ar dhạrti hõ amakʼge; ot ar ona reakʼ jotowakʼge amem benao akada.

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Luk 11:20

Menkhan Isorakʼ daṛete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Exodus 8:19

Noa ńelte gonokko do Pharaoko metadea, “Noare do Isorakʼ ti menakʼa.” Menkhan enhõ Pharaoakʼ mon do keṭecʼge tahẽyena; uni do Mose ar Aronakʼ katha bae luturada. Probhu Isor okae menletʼ onkage hoyena.

Jobakʼ 22:12

“Isor do cetʼ coṭ sermare bae tahẽnkana? Ipilko ńelkom, tinạkʼ coṭre menakʼkoa!

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Sereńko 148:3

E siń cando ar ńindạ cando, uni sarhaoepe; E jhak jhakaokʼkan ipilko, uni sarhaoepe.

Sereńko 19:1

Sermako do Isorakʼ ṭhonokko lại sodoreda, ar serma do uniyakʼ ti reakʼ kạmikoe udukʼeda.

Jobakʼ 25:5

Isorakʼ mẽtʼre ńindạ cando ḍig ḍig bae jolokʼ khan ar ipilko hõ uni samaṅre bako sapha khan,

Jobakʼ 25:3

Uniren lạṛhại phạd do cetʼko lekha daṛekokʼa? Uniyakʼ marsal do okoe cetanre baṅ rakapʼ akana?

Jobakʼ 36:24

Uniyakʼ kạmi reakʼ sarhao do alom hiṛińa; sereń talatege coṅ manwa ma uniyakʼ kạmiye sarhaoetʼtae.