Sereńko 79:7 - সান্তালী বাইবেল

⁷ ente onkoge Jakobren bõs doko caba akatʼkoa ar uniyakʼ tahen ṭhạ̃i hõko marao akada.

Sereńko 79:7 Referans Kwoze

Sakariạ 1:15

Ar nirdạndiko tahenkan onko sanam jạtrenko cetanre ạḍitetʼ iń raṅgao akana, ente iń do tinre ińren hoṛko cetanre thoṛa ghạṛicʼ iń raṅgaolena unre onko jạtrenko do ińren hoṛkoakʼ dosa sãote arhõ bạṛicʼ dosako juṭucʼatʼko tahẽkana.

Jirimiạ 50:7

Ar jãhãege onkoko ńametʼko onkogeko tạhuṛetʼkoa; onkoren bạiriko meneda, ‘ale do dusi dole baṅkana, ente Probhu Isor upạrte, onkoakʼ sạriyakʼ reakʼ ạtiń ṭạnḍi upạrte, onkoren hapṛamkoren asicʼ uni Probhu Isor birudre onko doko kại akada.’

Sereńko 80:13

Birren sukri do hecʼkate onae togocʼ topakʼeda; ar ṭạnḍiren janwarko hõ onako jomeda.

2 Bõsbudạ 36:21

Niạ oktere Israel disạm do acʼakʼ jirạukʼ-bochorreye jirạuena. Jirimiạ hotete roṛlen Probhu Isorakʼ katha eae gel bochor ạuri purạukʼ hạbicʼ onkoakʼ disạm reakʼ sanam jumiko do khạlige tahẽyente jirạuena.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.