Sereńko 79:5 - সান্তালী বাইবেল

⁵ E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?

Sereńko 79:5 Referans Kwoze

Sereńko 89:46

E Probhu Isor, ar tinạkʼ din? Jaejugge cetʼ am do okogem tahena? Ar tinạkʼ din amakʼ edre do seṅgel lekam jol ocoytama?

Sereńko 85:5

Jaejugge cetʼ ale cetanre am do edre akanem tahena? Piṛhike piṛhi am do cetʼ alere bekusi akangem tahena?

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

Jeheskel 36:5

Iń Probhu Isorgeń menetʼkana, ińakʼ dugur dugurokʼkan edre iạte eṭakʼ jạtrenko ar sanam Edomrenko upạrte kathań roṛetʼkana, ente onko do goṭa mon reakʼ rạskạte ar nihạ̃t gikʼḍi monte ińakʼ disạm do ạidạri menteko hạtińana; jemon onako ạidạri daṛeakʼ arko luṭ daṛeakʼ. Iń Probhu Isorge noa katha doń menetʼkana.

Sereńko 80:4

E sanam daṛeanicʼ Probhu Isor, amren hoṛkoakʼ koejoṅakʼre ar tinạkʼ din edre akanem tahena?

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

Sereńko 103:9

Uni do dusiko upạrte dinke dine ạnḍuṅa, uni do jaejug hạbicʼ edre do bae disạ dohokakʼa.

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Dosar Biboron 32:16

Ạnạṛi Isor sewawae iạte uni do ạḍiko ãṭ ocokedea, ar hirkhạwakʼkoteko khĩs ocokedea.

Sereńko 6:4

E Probhu Isor, iń secʼ ạcurokʼme, ar rukhiyạyińme; amakʼ khạndri dulạṛ iạte, bańcaoińme.

Sereńko 80:5

Jomakʼ jinis lekate am do mẽtʼ dakʼem jom ocoakatʼkoa ar bạṭi bạṭi mẽtʼ dakʼem ńũ ocoakatʼkoa.

Sereńko 89:47

Hudisme ińakʼ jion do tinạkʼ huḍińgea; ar cetʼ ạuṛiyakʼ lạgitʼ manwa dom benao akatʼkoa?

Sakariạ 1:12

Unre Probhu Isorren goḍete menkeda, “E phạdkoren Probhu Isor, am do Jerusalem ar Jihudạ reakʼ eṭakʼ nagrahako cetanre nõkʼõe eaegel bochor raṅgao akanem tahẽkana ar tinạkʼ din onkore begor mãyãtem tahena?”