Sereńko 78:7 - সান্তালী বাইবেল

⁷ Enḍekhan onko do Isorreko bhorsakʼa; ar uniyakʼ kạmiko hõ bako hiṛińa menkhan uniyakʼ hukumko dohoytaea.

Sereńko 78:7 Referans Kwoze

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Johan sodor 14:12

Okoe Isorakʼ hukumko manaoetʼ ar Jisure pạtiạrko tahenkan Isorren onko hoṛge noa halotre sombhuri tahen jạruṛtakoa.

1 Johan 5:3

Isorakʼ hukumko dohoyge hoyokʼkana Isor dulạṛ do. Uniyakʼ hukum do hamal bojha leka do baṅkana,

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Sereńko 103:2

E ińakʼ jiwi, Probhu Isor sarhaoeme; uniyakʼ jãhãn bhạlại reakʼ katha alom hiṛińa.

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Sereńko 40:4

Bhạgangeae uni hoṛ do, okoe do Probhu Isor cetanreye bhorsakʼ kan, ar onko secʼ bae ruạṛkan one onko bạḍại ar eṛeyakʼreko tahenkan.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

1 Korinthiko 11:24

ona ńindạ uni do piṭhạ halaṅkate Isore gunmanao joharadea ar onae kecakʼketʼteye menkeda, “Noa do ińakʼ hoṛmo kana one ape lạgitʼ emogokʼkan; ar iń disạyiń lạgitʼge nonkaepe baṛe.”

Sereńko 146:5

Bhạgangeae uni hoṛ, okoe do Jakobren Isore goṛowae kan, okoeyakʼ as do uniren Probhu Isorre.

Sereńko 105:5

E uniren golam Abrahamren bõsko, uniren bachao akan Jakobren hoponko, ape do uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menetʼ ona disạ dohokakʼpe.

Sereńko 62:5

E ińakʼ jiwi, am do thir hapekate Isorakʼ ńel horme, ente unige am do ase danama.

Dosar Biboron 6:21

Unre onkope metakoa, ‘Misor disạmre abo do Pharaoren golam bon tahẽkana, menkhan Probhu Isor do acʼakʼ daṛeanakʼ tite onḍe khone oḍok ạguakatʼ bona.

Dosar Biboron 6:25

Ar aboren Probhu Isor samaṅre uniyakʼ hukumleka noa ạn-ạriko pańjae reakʼ monsubạ tahen tabon, enḍekhan onage abo lạgitʼ dhorom do hoyokʼa.

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.