Sereńko 78:55 - সান্তালী বাইবেল

⁵⁵ Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Sereńko 78:55 Referans Kwoze

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Josuạ 13:7

Israelkoren are gusṭi ar Manase gusṭiren adha hoṛge sompotti lekate onam hạṭińakoa.”

Josuạ 23:4

Jordan gaḍa khon pạchim jalapuri hạbicʼ okoe jạtrenkoń marao akatʼko ar okoe jạtrenko ńithõ sarecʼ menakʼko onko sanamkoakʼ jaega do apeakʼ gusṭiko talare sompotti lekateń hạṭiń akatʼkoa.

Josuạ 19:51

Naeke Eleasar, Nunren hopon Josuạ ar Israelkoren judạ judạ gusṭiren mathako do Silore ńapamokʼ tạmbu reakʼ duạr ṭhen Probhu Isor samaṅre gulibãṭkate niạko jaega Israelkoko ṭhik dohowatʼkoa. Ar nonkate onko do disạm hạṭiń reakʼ kạmiko sạtkeda.

Numeri 33:54

Ape do loṭarikate judạ judạ bõsrenkoakʼ jaegape ṭhik dohoakoa. Ar bõsren hoṛkoakʼ lekha ḍher hoylen khan ḍher jaega ar kom hoylen khan do kom jaegape emakoa. Loṭarikate oka bõsrenko lạgitʼ jaega okare rakabokʼ ona bõsrenko do ona jaegage emako hoyokʼa. Gusṭiren judạ judạ bõsko do gusṭiko talarege jaegako ńama.

Josuạ 21:43

Probhu Isor do Israelkoren hapṛamko oka jaega emako reakʼe gokʼatʼko tahẽkan onako jotowakʼgeye ematʼko tahẽkana. Ar Israelko do ona disạmko dokholketʼte onḍe girobasokʼko ehopʼena.

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Jesaea 34:17

Uni do gulibãṭkate ar jokha baberte soṅkate ona jaegae hạṭińakoa. Ar ona do jaejug onkoakʼge tahena; ar piṛhike piṛhi onko do onḍeko girobasokʼa.