Sereńko 78:4 - সান্তালী বাইবেল

⁴ Onkoren bõsko ṭhen ona do babon oko dohokakʼa; abo do tayom piṛhirenko ṭhen Probhu Isorakʼ sarhaoanakʼ kạmi reakʼ katha bon lạiya; ar uniyakʼ daṛe reakʼ katha ar uni okako hahaṛa kạmiye kạmiakatʼ ona reakʼ katha hõ bon lạiya.

Sereńko 78:4 Referans Kwoze

Dosar Biboron 11:19

Ar aperen hoponko onakope cetʼakoa. Oṛakʼre duṛupʼkokʼ oktere, calakʼ oktere, gitijokʼ oktere ar beredokʼ oktere noako reaṅpe galmaraoakoa.

Joel 1:3

Niạ ghoṭna reakʼ katha do aperen hopon ar hoponerako lạiyakope ar onko hõ akoren hopon ar hoponera ṭhenko lạima ar onkoren hopon ar hoponerako do akoren bõsko lạiyakoma.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 6:7

Ar aperen hoponko hõ ghane ghạṛicʼ onako cetʼakope. Oṛakʼrepe duṛupʼkokʼre, horte calakʼre, gitijokʼre ar aṭetʼ khon beredokʼre ape do niạkope cetʼakoa.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Sereńko 26:7

jemon ãṭ aṛaṅteń sarhao sereń daṛeam, ar amakʼ sanam hahaṛa kạmi reakʼ kathań roṛ daṛeakʼ.

Jobakʼ 15:18

Ạkilan hoṛko do akoren hapṛamko ṭhen khonko ńamleda ar ona do jotogeko sodorleda.

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Exodus 13:8

Enhilokʼ ape do aperen hoponkope metakoa, ‘Misor disạm khon tinreń oḍok hecʼlena unre Probhu Isor iń lạgitʼ okae cekaletʼ ona disạite noań onkayeda.’

Exodus 12:26

Aperen hopon ar hoponerako tinreko kulipea, ‘noa reakʼ mane do cetʼkana mente?’

Jesaea 38:19

Eken jiwetʼkoge, hẽ jiwetʼkoge am doko sarhaomea cetʼleka teheń amiń sarhaoetʼme; apat do acʼren hoponko amakʼ gokʼakʼ reakʼ kathae lạiyako leka.