Sereńko 78:38 - সান্তালী বাইবেল

³⁸ Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Sereńko 78:38 Referans Kwoze

Jesaea 48:9

Ińakʼ ńutum iạte ińakʼ edreń bilom ocoyeda; ar ińakʼ sabasi lạgitʼ ona doń sambṛaoa jemon aloń marao giḍipe.

Jeheskel 20:17

Enhõ iń do daya reakʼ mẽtʼteń ńelketʼkote hahaṅkarre bạń marao utạrletʼkoa.

2 Rapajko 21:20

Amon do acʼren apat Manase lekage Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana.

2 Samuel 24:16

Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

2 Rapajko 13:23

Menkhan Probhu Isor do Abraham, Isahak ar Jakob lạgitʼ okaṭakʼ bondobose doholetʼ ona iạte uni do Israelko cetanre daya are mãyãkʼkan tahẽkante onkoe luturatʼkoa. Onate teheń hạbicʼ hõ marao giḍiko se apnar samaṅ khon sạṅgiń giḍikako do bae khojleda.

Sereńko 99:8

E Isor aleren Probhu Isor, am do onkoakʼem ańjometʼ tahẽkana; am do onkoren ikạyicʼ Isorem tahẽkana, menkhan onkoakʼ bedhoromre dom sạjạiletʼkoa.

Hosea 11:9

Ińakʼ botoranakʼ edre do bạń sodora, Ephrayim do ar bạń marao utạrea, ente iń doń Isor kana, manwa do baṅa; iń do amreń tahenkan uni sonoticʼ kangeạń. Edre do bạń ạguiya.

Amos 7:3

Unre Probhu Isor do mone ạcurketʼteye menkeda, “Onka do ar baṅ hoyokʼa.”

Amos 7:6

Unre Probhu Isor do ona ńutumte kastaoenteye menkeda, “Onka do ar baṅ hoyokʼa.”