Sereńko 78:37 - সান্তালী বাইবেল

³⁷ Onkoakʼ ontor do unire uricʼ baṅ tahẽkana; ar uniyakʼ bondobosre onko do pạtiạr bako tahẽkana.

Sereńko 78:37 Referans Kwoze

Aposkạmi 8:21

Ạlińakʼ noa kạmire amakʼ bakhra se ạidạri do bạnukʼtama, ente Isor samaṅre amakʼ ontor do baṅ sojhetama.

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Sereńko 51:10

E Isor, amge ińre khạṭi ontor sirjạume; ar ińakʼ mon baṛe nãwã aroytińme.

Hosea 10:2

Uniren hoṛkoakʼ ontor do bepạtiạr getakoa; onate onko do ńitokʼ dos reakʼ bojha asen baṛae hoyokʼtakoa. Probhu Isor do onkoakʼ pinḍkoe rạputʼ giḍikatakoa ar onkoakʼ pujạ reakʼ dhirikoe marao cabaetakoa.

Hosea 7:16

Onko do Bakʼal secʼko ạcur akana; onko do peṛta akʼ lekako hoyakana. Onkoren mukhiyạko do tarwaṛeteko gujukʼa, ar onate Israelko do Misor disạmre landa dhutʼkoko hoyokʼa.

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jeheskel 16:30

“ ‘Iń Probhu Isorgeń meneda, am dom nicạṛ monan kana, ente mitʼṭen besorom kusumbi ạimại lekage noakom kạmikana.