Sereńko 78:36 - সান্তালী বাইবেল

³⁶ Menkhan onko do unre mocateko luhum suhumkeda, ar alaṅte eṛe kathako roṛkeda.

Sereńko 78:36 Referans Kwoze

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Hosea 11:12

Probhu Isore meneda, “Ephrayimakʼ eṛe katha, Israelakʼ phạsiạratetʼ do iń beṛhaete menakʼa. Jihudạ do Isorakʼ, metakʼme uni pạtiạran sonoticʼ reakʼe bebatao akada.

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Sereńko 18:44

Onko do ińakʼ katha ańjom torageko bataotińạ; ar bidisiạ hoṛ doko luhum suhumań kana.

Jirimiạ 42:6

Ale okoe ṭhenle koletʼme uni Probhu Isorakʼ kathare ale do tabe akaele tahena baṅ dole kusiyakʼ baṅ do baṅ enhõle ańjomtaea. Ar aleren Probhu Isorakʼ kathale bataotae khan ale do bhage hoyokʼtalea.”

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Hosea 12:2

Jihudạ upạrte Probhu Isorakʼ mitʼṭecʼ mambla menakʼtaea; Jakobakʼ colon lekate uni doe sạjạiyea ar uniyakʼ kạmi lekate kuṛạiye emaea.

Mikạ 6:12

Aperen kisạ̃ṛ hoṛko doko sasantaogea, ar ape hõpe ekʼṛegea ar apeakʼ moca hõ phạsiạragetapea.