Sereńko 78:16 - সান্তালী বাইবেল

¹⁶ Buru lekan dhiri khon uni do dakʼ jharnae oḍok ocoleda; ona dakʼ do gaḍa dakʼ lekageye ạtu ocoleda.

Sereńko 78:16 Referans Kwoze

Dosar Biboron 8:15

Uni do maraṅ ar botoranakʼ hahaṅkar secʼte, seṅgel biń ar kidiń kaṭkomko talate ar khaṅgoṭ jaega secʼteye taṛam ạgu ocoketʼpea. Uni do dhiri khon ape lạgitʼ dakʼe oḍok ocokeda.

Numeri 20:8

“Am do ona ṭheṅga hataome ar dadam Aron taben Israel hoponko mitʼ ṭhen jarwakʼ lạgitʼ metakoben. Ar am do Israelko samaṅre menakʼ maraṅ dhirim metawakʼa ar ona do dakʼe emokʼa. Israel hoponko ar onkoren janwarko jemon dakʼko ńũ daṛeakʼ ona iạte am do dhiri khon dakʼem oḍok akoa.”

Sereńko 105:41

Uni do dhiriye jhicʼ ocoketʼte, ona khon dakʼe emena; rohoṛ jaega talate ona do gaḍa dakʼ leka ạtu oḍokena.

Dosar Biboron 9:21

Apeakʼ ona kại reakʼ jinisko, metakʼme aperen benaoicʼ uni mĩhũ hataokate seṅgelreń khadlekadea. Ar ona tayom doń koṭecʼ gejerkedete dhuṛi lekań lopotʼ lopotʼkeda ar buru khon ạtu pheḍokʼkan dakʼreń giḍikada.

Sereńko 107:35

Hahaṅkar do jolae hoyocoyeda ar khaṅgoṭ jaegako do jharnae hoyocoyeda.

Sereńko 114:7

E dhạrti, Probhu Isor samaṅre, Jakobren Isor samaṅre thartharaokʼme.

Sereńko 114:8

One uni cạṭạni do jolateye pheraoetʼ, ar keṭecʼ dhiri do dakʼ reakʼ jharnageye hoyocoyetʼ.

Habakkuk 3:9

Amakʼ akʼ dom halaṅ rakapʼkeda ar sar do ghũṛạ̃rem lagao akada. (Sela) Ar gaḍakote dhạrti dom hạṭiń akada.