Sereńko 78:10 - সান্তালী বাইবেল

¹⁰ Onko do Isorakʼ bondobos bako manaoleda, ar uniyakʼ ạn ạriko leka calakʼ hõ bako aṅgocleda.

Sereńko 78:10 Referans Kwoze

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Exodus 16:28

Unre Probhu Isor do Moseye metadea, “Ar tinạkʼ din ape do ińakʼ hukum ar ińakʼ solhako bape manaoa?

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Jeheskel 20:21

“ ‘Menkhan onko hoponko ar hoponerako do iń upạrteko hulkeda. Onko do ińakʼ niạm bako manaoleda ar okaṭakʼ ạn-ạri palon hotete manwa do jionko ńam onko do ińakʼ ona ạn-ạri manao secʼ do bako moneyada; onko do iń emakʼ jirạukʼ mãhãko reakʼ sonottetʼ bako rukhiyạleda. Onate onkoń metatʼkoa hahaṅkarre onko cetanre ińakʼ edreń dulakoa.