Sereńko 77:2 - সান্তালী বাইবেল

² Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Sereńko 77:2 Referans Kwoze

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Hosea 5:13

“Ephrayim do tinre acʼakʼ roge ńelkeda ar Jihudạ do acʼakʼ ghaoko unre Ephrayim do Ạsur secʼ ạcur ruạṛkate goṛo ńam lạgitʼ uni maraṅ raj ṭhen hoṛe kolketʼkoa. Menkhan uni do rog hõ bae boge daṛeataea ar uniyakʼ ghaoko hõ bae bes daṛeakʼa.

Jirimiạ 31:15

Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Johan 11:31

Ar okoe Jihudiko Mạriạm tulucʼ oṛakʼreko tahẽkan ar jiwiko raṛecʼetʼtae tahẽkan onko do Mạriạm hako pako bahrete calakʼkanko ńelkede khan uniko pańjakedea. Onko doko hudiskeda, Mạriạm do topa ṭhen rakʼjoṅ lạgitʼe calakʼkana.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Kạhtukko 18:14

Hoṛakʼ jiu do kạhil ruại sahao daṛeakʼa, menkhan talga tạwạkʼ jiu do okoeye gokʼ daṛeakʼa?

Sereńko 86:7

Muhinre amiń hohoama, ente am do ińem roṛ ruạṛạńạ.

Sereńko 63:6

Aṭetʼre giticʼkate amakʼ katha reakʼ iń ganḍonokʼ kana, ar ńindạ do pohrek pohrekre am reakʼ iń dheneda;

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Jobakʼ 11:13

“Menkhan amakʼ mon purạtem emae khan, ar uni secʼ amakʼ tiyem tiyạrle khan,

2 Bõsbudạ 6:28

“Disạmre akal se mahamạri ńellenre, ar phosol jhãoralenre se gocʼlenre, ar phosolko pohokoko jom maraoletakore, ar bạiriko onkoakʼ jãhã nagrahako gherao esetʼlekore, ar jãhãlekan ruạ se muhinko hecʼakore,

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Sereńko 55:17

Setakʼ, tikin ar ạyupʼ iń do botor salakʼiń ạjijaea, ar uni do ińakʼ aṛaṅe ańjomtińạ.