Sereńko 77:18 - সান্তালী বাইবেল

¹⁸ Amakʼ huḍur reakʼ saḍe do birbãore ańjomena, amakʼ bijli reakʼ malkaote dhạrti doe marsalkeda; dhạrti do dal malaoena ar thar tharaoena.

Sereńko 77:18 Referans Kwoze

Sereńko 97:4

Uniyakʼ bijli reakʼ malkaote marsal lena; ona ńelte dhạrti do thar tharaoena.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

2 Samuel 22:14

Probhu Isor do serma khone huḍurkeda; ar maraṅ Isorakʼ aṛaṅ ańjomena.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan sodor 18:1

Inạ tayom ar mitʼṭen goḍet serma khon pheḍ hijukʼ kaniń ńelkedea. Uni do maraṅ ektiạri tahẽkantaea ar dhạrti do uniyakʼ ṭhonokte marsalena.

Mathae 28:2

Unre ackage dhạrti laṛaoena, ente Probhu Isorren mitʼṭen goḍet do serma khone pheḍ hecʼena ar topa duạr khon dhiri ocokʼkate ona cetanreye duṛupʼena.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Habakkuk 3:4

Siń cando lekage uni doe jhak jhakaokʼkana; uniyakʼ ti khon marsal do oḍok hijukʼkana, onḍe uniyakʼ daṛe do danaṅre menakʼtaea.

Sereńko 104:7

Menkhan onako dakʼ do amakʼ hukumte calaoena; ona do amakʼ huḍur reakʼ aṛaṅte ńir calaoena.

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

2 Samuel 22:8

Unre dhạrti do daldalaoena ar ḍikạ ḍakekʼ ehopʼena, buru reakʼ rehetʼko daldalaoena; uniyakʼ edrete onako do dal dalaoena.

Bikʼcạrko 5:4

E Probhu Isor, am do tinre Seyir khonem mohnḍayena, Edom disạm khonem oḍokena, unre dhạrti do daldalaoena ar serma khon dakʼem jạṛi ocokeda.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Sereńko 18:14

Uni do sarkoe aṛakʼketʼte bạirikoe chirchạturketʼkoa, ar bijlikoteye andmandaoketʼkoa.

Sereńko 18:15

E Probhu Isor, amakʼ dhomkaote ar mũ reakʼ sãhetʼte, ot latarre do dakʼ ńelena, ar dhạrti reakʼ rehetʼko hõ oṭakʼena.