Sereńko 77:15 - সান্তালী বাইবেল

¹⁵ Am do amren hoṛ Jakob ar Josephren bõsko amakʼ daṛe titem chaḍao akatʼkoa. (Sela)

Sereńko 77:15 Referans Kwoze

Dosar Biboron 9:29

Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Sereńko 74:2

Hudiskate ńelme amren onko hoṛkoakʼ katha okoe do sedae khonge amren hoṛem hoyocoakatʼko, okoe bõsrenko do amren ạidạriko lekatem chaḍao ạguletʼko. Disạime ona Sion buru reakʼ katha one okaṭakʼ amakʼ tahen oṛakʼem benao akatʼ.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Josuạ 3:5

Inạ tayom Josuạ do hoṛkoe metatʼkoa, “Apnar baṛe saphakʼpe, ente gapa Probhu Isor do ape talare maraṅ hahaṛawakʼe kạmiya.”

Sereńko 72:18

Probhu Isor, okoe doe Israelkoren Isorkan, uniyakʼge sarhao hoyokʼtae ma; eken unige hahaṛawakʼkoe kạmikana.

Daniel 6:28

Nonkate Darjawes ar Parasren raj Koresakʼ rajokʼ oktere Daniel do pạtiạr ar manote ńam idikeda.