Sereńko 77:14 - সান্তালী বাইবেল

¹⁴ Amge uni Isor do one hahaṛawakʼkom kạmikan; ar sanam jạtrenko talare amge amakʼ daṛeyem sodor akatʼtama.

Sereńko 77:14 Referans Kwoze

Sereńko 136:4

Okoe do eskarge maraṅ ar hahaṛawakʼkoe kạmikan uni gun manao joharaepe; ente uniyakʼ dulạṛ do jaejuggetaea.

Daniel 6:27

Uni do rurukhiyạ are babańcaoa; uni do sermare ar dhạrtire hõ cinhạ lekate ạḍi lekan hahaṛa kạmikoe kạmikana. Uni do dhạcri kulkoakʼ moca khon Daniele rukhiyạ akadea.”

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Sereńko 72:18

Probhu Isor, okoe doe Israelkoren Isorkan, uniyakʼge sarhao hoyokʼtae ma; eken unige hahaṛawakʼkoe kạmikana.

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Daniel 3:29

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Sereńko 106:8

Enhõ uni do acʼakʼ ńutum khạtirte acʼakʼ maraṅ daṛe sodor lạgitʼe bańcaoketʼkoa.

Sereńko 86:10

Am dom maraṅgea ar hahaṛawakʼkom kạmikana; eken amkagem Isor do.

Sereńko 105:5

E uniren golam Abrahamren bõsko, uniren bachao akan Jakobren hoponko, ape do uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menetʼ ona disạ dohokakʼpe.

Sereńko 68:25

Laha lahate sereńko, ar onko tayomre do bajna darkoge; ar jhurjhuri saḍeyetʼkan kuṛiko do onko tala talate.