Sereńko 77:12 - সান্তালী বাইবেল

¹² Amakʼ sanam kạmiko reaṅiń dhena; ar amakʼ sanam kạmi reakʼ kathakoń ganḍonjoṅa.

Sereńko 77:12 Referans Kwoze

Sereńko 145:11

Onko do amakʼ rajosṭi reakʼ ṭhonokanakʼ katha ar amakʼ daṛe reakʼ kathako roṛa;

Sereńko 71:24

Ińakʼ moca do siń sạṭupʼ amakʼ kạmi reakʼ kathageye lạiya, ente muhinre paṛao ocoyiń lạgitʼ okoeko kurumuṭukan tahẽkan onko do lajao arko bemanot ocoakana.

Dosar Biboron 6:7

Ar aperen hoponko hõ ghane ghạṛicʼ onako cetʼakope. Oṛakʼrepe duṛupʼkokʼre, horte calakʼre, gitijokʼre ar aṭetʼ khon beredokʼre ape do niạkope cetʼakoa.

Sereńko 145:4

Mitʼ piṛhiren do eṭakʼ piṛhiren hoṛko ṭhen amakʼ kạmi reakʼko sarhao sereńa; onko do amakʼ daṛeanakʼ kạmi reakʼ kathako lại jạhira.

Sereńko 143:5

Iń do sedae reakʼ kathań disạyeda, ar amakʼ sanam kạmiko reaṅiń ganḍonjoṅ kana; amakʼ ti okaṭakʼe cekayetʼ ona reakʼgeń hudiseda.

Sereńko 105:2

Uni lạgitʼ sereńpe ar unige sarhaoepe; ar uniyakʼ sanam hahaṛa kạmi reakʼ katha lại jạhirpe.

Sereńko 104:34

Ińakʼ sanam ganḍonjoṅakʼ do jemon sebele bujhạu; iń do Probhu Isorregeń rạskạkʼ kana.

Dosar Biboron 7:18

Menkhan ape do alope botorakoa. Pharao ar goṭa Misor disạm cetanre aperen Probhu Isor okae cekaletʼ ona baṛe disạipe.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.

Sereńko 105:5

E uniren golam Abrahamren bõsko, uniren bachao akan Jakobren hoponko, ape do uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menetʼ ona disạ dohokakʼpe.

Sereńko 119:52

E Probhu Isor, ḍher din lahare emakʼ amakʼ ạn ạriko reakʼ kathań disạite iń do apnarte jiwi raṛecʼiń ńameda.

Jesaea 63:11

Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?