Sereńko 76:9 - সান্তালী বাইবেল

⁹ dhạrtiren santaokʼkan hoṛko rukhiyạko lạgitʼ; dhạrti do botorte nijhumena. (Sela)

Sereńko 76:9 Referans Kwoze

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Sereńko 72:4

Uniyakʼ rajosṭiren santao ocokʼkan hoṛko cetanre uni do dhorom reakʼe bicạreda; uni do reṅgecʼkoe bańcaoetʼkoa ar sasantaoko doe chirchạturetʼkoa.

Sereńko 25:9

Uni do nindhạnko dhorom horteye idikoa ar acʼakʼ hor reaṅe cetʼakoa.

Numeri 12:4

Aron ar Mạriạmakʼ katha ańjom sãote Probhu Isor do Mose, Aron ar Mạriạm takoe metatʼkoa, “Pe hoṛge ńapamokʼ tạmbu ṭhen oḍok hijukʼpe.” Niạ katha ańjomkate onko do pe hoṛge onḍeko oḍok hecʼena.

Habakkuk 2:20

Menkhan Probhu Isor do acʼakʼ sonot oṛakʼre menaea; sanam dhạrti do uni samaṅre hapeakan tahenma.”