Sereńko 76:5 - সান্তালী বাইবেল

⁵ Jhũk monanko doko siboṛ ocoyena, onko doko jạpitʼ hapekeda; ar joto daṛean hoṛ do ti jaṅga lạbṛukʼen takoa.

Sereńko 76:5 Referans Kwoze

Nạhum 3:18

E Ạsurren raj, amren mukhiyạ doko jạpitʼ joṅkana; ar amren rajren kạmiyạko doko giticʼ akana. Amren hoṛko do burureko pasnao akana, ar onko jarwako lạgitʼ do celege bạnukʼkoa.

Sereńko 13:3

E Probhu ińren Isor, iń secʼ beṅgedme ar roṛ ruạṛạńme; ar daṛe emạńme; ar baṅkhan ińre do moron reakʼ jạpitʼge hijukʼa.

Jirimiạ 51:39

Onkoko jaljalaolenre iń do mitʼṭecʼ bhojiń teara. Ar onkoń bul ocokoa jemonko rạskạ daṛeakʼ, ar ona tayom do jaejug lạgitʼko jạpitʼjoṅa, ar tisge bako ebhenokʼa.

Jesaea 46:12

E keṭecʼ monan hoṛ, okoe do dhorom khon sạṅgińre menakʼpe, ińakʼ katha ańjomtińpe.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.