Sereńko 75:9 - সান্তালী বাইবেল

⁹ Menkhan iń do jaejug Isor reaṅiń porcara ar Jakobren Isorakʼ iń sarhao sereńaea.

Sereńko 75:9 Referans Kwoze

Sereńko 104:33

Iń do goṭa jionge Probhu Isor ńutumteń sereńa; tinạkʼ din jiwetʼ iń tahena unạkʼ din ińren Isor ńutumte sarhao sereńiń sereńa.

Sereńko 40:10

Amakʼ dhorom reakʼ katha do ińakʼ ontorre bạń oko dohoya; iń do amakʼ pạtiạr ar bańcao reakʼ kathań lại idiya; amakʼ asambheṛ dulạṛ ar pạtiạr reakʼ katha maraṅ bạisire bạń oko dohoya.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Jobakʼ 21:20

Uni do acʼakʼ mẽtʼte acʼakʼ maraokʼe ńelma; uni do sanam daṛeanicʼakʼ edre baṛeye ńũima.

Sereńko 60:5

Amakʼ daṛeanakʼ ti tiyạrte ale baṛe bańcaolem; ińiń hohowamre ańjomtińme jemon am okoeyem dulạṛetʼko onko do bańcaoko ńam.

Jirimiạ 25:15

Israelren Probhu Isor do ińe metadińạ, “Ińakʼ ti khon darkha rasa, metakʼme ińakʼ edrete perecʼ noa bạṭi hataome ar okoe jạtrenko ṭheniń kolme onko onam ńũ ocokoa.

Jeheskel 23:34

Am do onarem ńũiya, arem ńũ ańjeda; ar ona reakʼ kelhatʼ hom togoja ar amakʼ toakin hõm raboṛ cirạitama. Ar ińakʼ bicạr reakʼ ray do noa kangea.