Sereńko 75:7 - সান্তালী বাইবেল

⁷ Menkhan Isorgeye bicạra; uni do mitʼhoṛe copotʼedea ar mitʼ hoṛ doe usuledea.

Sereńko 75:7 Referans Kwoze

Luk 1:52

Uni do siṅghạson khon rajkoe ńurhạketʼkoa, menkhan nindhạnko doe tul rakapʼ ketʼkoa.

Sereńko 147:6

Probhu Isor do mạ̃hirkoe diṛhoyetʼkoa, menkhan bạṛicʼ hoṛko do otreye giḍikako kana.

Sereńko 50:6

Rimil do acʼakʼ dhorom bicạr reakʼ kathakoe lại saḍeakada, ente Isor doe bikʼcạricʼ kana.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

2 Samuel 6:21

Dạud do Mikale metadea, “Iń do Probhu Isor samaṅrege onań onka akada. Uni do acʼren hoṛko samaṅre, metatʼme Israelko cetanre cakʼlaoicʼ menteye ojokʼ bahalko lạgitʼ amren ạpum se uniyakʼ gharońjren okoege bae bachaoletʼkoa menkhan ińgeye bachao akadińạ. Ona iạte iń do Probhu Isor samaṅreń rạskạkʼ kana.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

Sereńko 58:11

Ona ńelte hoṛkoko mena, “Isor botoraekan hoṛkoakʼ jionre sạri kuṛại do menakʼgea; sạrige eken mitʼ goṭen Isorge menaea one uni dhạrtirege bạṛicʼkoe bicạrko.”

1 Samuel 15:28

Unre Sạmuel do uniye metadea, “Probhu Isor do teheń am ṭhen khon Israelkoakʼ rajosṭi hõ nonkageye recʼ hataokeda ar am khon hõ bhage amakʼ disạmren mitʼ hoṛe emadea.

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniyakʼ dayatege apostol hoyokʼ lạgitʼe hohoakadińạ.

Daniel 2:37

E maharaj, am do rapajkoren raj kanam, sermaren Isor do rajosṭi, ektiạri, daṛe ar ṭhonoke em akatʼmea.

2 Samuel 5:2

Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

Romiko lạgitʼ Pạul Apostolakʼ ciṭhi 11:15

Isor do Jihudiko bae bạsutako khan ar onkoakʼ giḍi ocokʼ do dhạrtirenkoakʼ samgeakʼkan khan enḍekhan Jihudikoe ataṅlekore do cetʼ hoyokʼa? Ona do cetʼ gocʼko jionko ńamakatʼ leka do baṅa?

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.