Sereńko 74:4 - সান্তালী বাইবেল

⁴ Ar am sãote okarele helmelokʼ kan tahẽkan ona ṭhạ̃ire bạiriko doko hạnḍrạu baṛayeda, onḍe onko do akoakʼ cinhạko dohoakada.

Sereńko 74:4 Referans Kwoze

Rak̕joṅ 2:7

Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

Numeri 2:2

“Israel hoponko do ńapamokʼ tạmbu reakʼ beṛhaeteko ḍerakʼma. Ar apan ạpin nisạn ar gusṭi reakʼ cinhạ ṭhenko tahenma.

Johan sodor 13:6

Unre uni janwar do Isor upạrte, uniyakʼ ńutum reakʼ ar uniyakʼ tahen jaega upạrte ar sermare tahenkanko upạrte ạḍi henosta kathako roroṛe ehopʼena.

Luk 21:20

“Tinre Jerusalem do palṭonko hotete esetʼ ạcurakatʼpe ńela unre bujhạupe, Jerusalem dhaṅ dhaserokʼ din do sorakana mente.

Luk 13:1

Ado ona jokhecʼ onḍeko jarwa akan tahẽkan adom hoṛ do Jisu Gạlil Prodes reaṅko lạiyadea. Onkoko menkeda, Romren disạm cakʼlaoyicʼ Pilạt do Gạlilrenkoe makʼketʼkote dãṛẽ samaṅ akatʼ janwarakʼ mãyãm sãote onkoakʼ mãyãm hõe milạuketʼtakoa.

Daniel 6:27

Uni do rurukhiyạ are babańcaoa; uni do sermare ar dhạrtire hõ cinhạ lekate ạḍi lekan hahaṛa kạmikoe kạmikana. Uni do dhạcri kulkoakʼ moca khon Daniele rukhiyạ akadea.”