Sereńko 74:20 - সান্তালী বাইবেল

²⁰ Amakʼ bondobos reakʼ katha disạime; ar disạm reakʼ sanam oko akan jaegako do behokakʼte perecʼ akana.

Sereńko 74:20 Referans Kwoze

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Ibriko 8:10

Probhu Isor do arhõe meneda, “Iń do Israelko lạgitʼ noa bondobos iń bandhaoa. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa, ar onko do ińren hoṛgeko hoyokʼa.

Sereńko 105:8

Okaṭakʼ katha reakʼ hukum uni do hajar hajar bõsrenko lạgitʼe emlen, uniyakʼ ona bondobos reakʼ katha uni do jaejug hạbicʼe disạ dohoya.

Sereńko 89:28

Jaejug hạbicʼ uni lạgitʼ ińakʼ dulạṛ do tahena; uni lạgitʼge ińakʼ bondobos do ṭikạu tahena.

Sereńko 89:39

Amren golam lạgitʼ oka bondobosem dohoakatʼ ona dom hirkhạ akawada; ar ona reakʼ mukuṭ do dhuṛire giḍikatem be sonotakada.

Sereńko 5:8

E Probhu Isor, aema bạiri menakʼkotińte amakʼ dhorom horte ạyurińme; ar amakʼ hor sojhe kạtińme.

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

Dosar Biboron 9:27

Amren guti Abraham, Isahak ar Jakobakʼ katha baṛe disạime. Noko keṭecʼ hoṭokʼan jạtrenkoakʼ kạṭhuạ mon ar onkoakʼ ghạṭko secʼ do alom beṅgetʼakʼa.

Jirimiạ 14:21

Amakʼ ńutum rukhiyạitam lạgitʼ ale secʼ khon mẽtʼãhã do alom ạcurtama; amakʼ ṭhonokanakʼ siṅghạson reakʼ ṭhạ̃i do alom bemanot ocoya. Ale lạgitʼem bondobos akatʼ katha reakʼ baṛe disạime; ona do alogem bạtil giḍikakʼa.