Sereńko 73:4 - সান্তালী বাইবেল

⁴ ente gujukʼre onko do baṅ hasokoa ar onkoakʼ hoṛmoko hõ lodgopʼge tahena.

Sereńko 73:4 Referans Kwoze

Luk 16:22

“Mitʼ din uni kokoe hoṛ doe gocʼena. Ar serma goḍetko hecʼkate Abraham ṭhenko idikedea. Ona tayom uni kisạ̃ṛ hoṛ hõe gocʼena arko topakadea.

Sosolhayic̕ 2:16

Cetʼleka hoṛko do bebuj hoṛko bako disạ dohoko onkage ạkilan hoṛ hõ ḍher din do bako disạ dohokoa; tayom daram dinkore nukin bana hoṛgeko hiṛińkinạ. Bebuj hoṛ cetʼlekae gujukʼ onkage ạkilan hoṛ hõe gujukʼa.

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Sereńko 17:10

Onko do goṛdho ontor reakʼ duạrko siń akada; ar onkoakʼ moca khon bạḍại reakʼ katha hõ oḍokokʼ kana.

Jobakʼ 24:20

Eṅgat kukhi do onkoe hiṛińetʼkoa, ar tejoko do onkoakʼ hoṛmoko jometʼtakoa; bạṛicʼ hoṛ do okoehõ bako disạ dohokoa, onko do dare lekako rạputʼ ńurokʼa.

Sosolhayic̕ 7:15

Ińakʼ noa ạuṛiyakʼ dinkoreń ńelakada, mitʼṭen dhorom hoṛ do acʼakʼ dhoromtetʼreye gujukʼ kana, ar mitʼṭen bedhorom hoṛ do acʼakʼ bạṛicʼakʼre ḍher dine bahaokʼ kana.

Jobakʼ 15:27

“Uniyakʼ mẽtʼãhã do itilteye dapal akatʼtaea ar ḍanḍa do dophãṛ dophãṛ itilteye paṭhe akana.

Jobakʼ 21:13

Onko do suk nirạite dinko khemaoeda ar sulukte Sheolteko calakʼkana.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.