Sereńko 73:27 - সান্তালী বাইবেল

²⁷ Okoe am ṭhen khon pharakteko sen akan, onko doko ses utạrokʼa; ar okoe amre bako pạtiạu akan onko dom marao giḍikoa.

Sereńko 73:27 Referans Kwoze

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

Sereńko 119:155

Bạṛicʼ hoṛko khon bańcao do ḍher sạṅgińgea, ente onko do amakʼ ạn ạri secʼ bako moneyakʼ kana.

Exodus 34:15

“Okoe ona disạmreko tahenkan onko sãote cetʼge alope bondobosa, ente onko tinre besapha monte akoren debotako ṭhen apnartetʼko emokʼa ar onko ńutumte janwarko dãṛẽkoa unre apeko neotapea ar ape tulucʼ boṅga ṭhen samaṅakʼ reakʼ jelko joma.

Numeri 15:39

Dạsikope ḍuriạwakʼa jemon onakope ńellere ińakʼ sanam hukumko reakʼ kathape disại ar onape manao. Enḍekhan ape do ińre bepạtiạukʼte apeakʼ ontor ar mẽtʼ reakʼ rij roṅre bape ạkhrińokʼa.

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Ephesiko lạgitʼ Pạul Apostolakʼ ciṭhi 2:17

Ape okoe sạṅgińrepe tahẽkan ar onko okoe do sorreko tahẽkan, jotoko ṭhenge uni do hecʼkate suluk reakʼ bhage sombate porcarleda.

Ephesiko lạgitʼ Pạul Apostolakʼ ciṭhi 2:13

Mitʼ jokhecʼ ape do sạṅgińrepe tahẽkana, menkhan Mạsi Jisurepe kolom mitʼakante ńitokʼ do uniyakʼ mãyãm ṭhenpe ạgu ocoakana.

Jirimiạ 12:2

Onko do amgem rohoey akatʼkoa arko rehetʼ akana; onko doko harakʼkana arko jo bahakʼkana. Onko do mocate jao okte amakʼ kathako roṛa menkhan onkoakʼ ontor do am khon ḍher sạṅgińgetakoa.

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

Ester 9:30

Ar Ahasberos rajosṭi reakʼ mitʼsae bargel eae goṭecʼ tabe disạmren Jihudiko ṭhen Mordekai do suluk ar rukhiyạ reakʼ ciṭhiye kolkeda.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.