Sereńko 73:12 - সান্তালী বাইবেল

¹² Noko kangeako onko bạṛicʼ hoṛ do okoe do nirdạndi tahẽkate dhon sompottiko ḍheretʼtako.

Sereńko 73:12 Referans Kwoze

Sereńko 52:7

“Hạni ńelepe, uni hoṛ Isor do acʼakʼ gaṛ bae hoyocoadea; uni do dhon sompotti cetanreye bhorsa akana, ar acʼakʼ bạṛicʼ sana reakʼ daṛete daṛeanicʼe hoyakana.”

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Sereńko 62:10

Ape do jor julumre alope bhorsakʼa; ar ona luṭakʼre as alope dohojoṅa; ar baḍhaokʼkan dhonre mon hõ alope gaḍaotapea.

Sereńko 37:35

Bedhorom hoṛ do ạḍi haḍrap iń ńel akadea, nij hasare harakʼkan hạriạṛ dare leka uni doe jhạṛpạkʼ kana.

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.