Sereńko 72:3 - সান্তালী বাইবেল

³ Uniyakʼ dhorom kạmi talate hoṛko lạgitʼ buru ḍuṅgrikote esetʼakan disạm do bhạlạiyte perejokʼma.

Sereńko 72:3 Referans Kwoze

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Sereńko 72:16

Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

Sereńko 65:12

Ona do jhurokʼkana janwarkoakʼ ạtiń ṭạnḍikore; ar buru lodamre do rạskạ reakʼ sajge menakʼa.

Jesaea 45:8

“E sermako, de coṭ khon dakʼ jạṛipe; E rimilko dhorom jạṛipe. Ot do jhijokʼte bańcaoe janam ocoyma, ar ot do dhorome sagen ocoyma. Iń Probhu Isorge niạ doń sirjạu akada.

Jesaea 60:17

Iń do pitạl bodolte sonań ạguama ar mẽṛhẽtʼ bodolte do rupạge. Kaṭ bodolte pitạl ar dhiri bodolte do mẽṛhẽtʼgeń ạguama. Bhạlại do amren ḍanṭaoicʼ ar dhorom do amren mukhyiạgeń hoeocoya.